ବିଧାନସଭା ନିର୍ବାଚନ ପାଇଁ ତାରିଖ ଘୋଷଣା: ଆସାମ, ପୁଡୁଚେରୀ ଓ କେରଳରେ ଏପ୍ରିଲ ୯ରେ ଭୋଟ୍‌; ତାମିଲନାଡୁରେ ଏପ୍ରିଲ ୨୩ ଏବଂ ପଶ୍ଚିମବଙ୍ଗରେ ଏପ୍ରିଲ ୨୩ ଓ ୨୯ରେ ଭୋଟ, ମେ ୪ରେ ଫଳାଫଳ ଘୋଷଣା

ନୂଆଦିଲ୍ଲୀ: ଭାରତୀୟ ନିର୍ବାଚନ କମିଶନ ରବିବାର ଆସାମ, କେରଳ, ତାମିଲନାଡୁ, ପଶ୍ଚିମବଙ୍ଗ ଏବଂ କେନ୍ଦ୍ରଶାସିତ ପ୍ରଦେଶ ପୁଡୁଚେରୀରେ ବିଧାନସଭା ନିର୍ବାଚନ ପାଇଁ କାର୍ଯ୍ୟସୂଚୀ ଘୋଷଣା କରିଛନ୍ତି। କାର୍ଯ୍ୟସୂଚୀ ଅନୁଯାୟୀ ଆସାମ, କେରଳ ଏବଂ ପୁଡୁଚେରୀରେ ଏପ୍ରିଲ ୯ରେ ଭୋଟ୍ ହେବାକୁ ଥିବା ବେଳେ ତାମିଲନାଡୁରେ ୨୭ ଏପ୍ରିଲ୍ ଭୋଟ୍ ହେବ। ସେହିପରି ପଶ୍ଚିମବଙ୍ଗରେ ଏପ୍ରିଲ ୨୩ ଏବଂ ୨୯ ଏହିପରି ଦୁଇଟି ପର୍ଯ୍ୟାୟରେ ଭୋଟ୍ ହେବ। ଭୋଟ ଗଣନା ମେ ୪ ତାରିଖରେ କରାଯିବାକୁ କାର୍ଯ୍ୟସୂଚୀ ରହିଛି। ମୁଖ୍ୟ ନିର୍ବାଚନ କମିଶନର ଜ୍ଞାନେଶ କୁମାର ଏବଂ ନିର୍ବାଚନ କମିଶନର ସୁଖବୀର ସିଂହ ସାନ୍ଧୁ ଏବଂ ବିବେକ ଜୋଶୀ ସାମ୍ବାଦିକ ସମ୍ମିଳନୀରେ ଏ ନେଇ ବିସ୍ତୃତ ସୂଚନା ଦେଇଛନ୍ତି। ଶ୍ରୀ କୁମାର କହିଛନ୍ତି ଯେ ଭୋଟର ତାଲିକାରୁ କୌଣସି ଯୋଗ୍ୟ ଭୋଟର ବାଦ୍ ନପଡ଼ିବା ଏବଂ ଭୋଟର ତାଲିକାରେ କୌଣସି ଅଯୋଗ୍ୟ ଭୋଟର ସାମିଲ ନହେବା ନିଶ୍ଚିତ କରିବା ପାଇଁ ସମ୍ବିଧାନର ଧାରା ୩୨୬ ଅନୁଯାୟୀ ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (ଏସଆଇଆର) ପ୍ରକ୍ରିୟା କରାଯାଇଥିଲା। ସେ କହିଥିଲେ ଯେ ଶୁଦ୍ଧ ଭୋଟର ତାଲିକା ହେଉଛି ଗଣତନ୍ତ୍ରର ମୂଳଦୁଆ। ଆସାମ ପାଇଁ ଭୋଟ ଗ୍ରହଣ ସୂଚୀ: ନିର୍ବାଚନ ବିଜ୍ଞପ୍ତି ତାରିଖ: ମାର୍ଚ୍ଚ ୧୬, ୨୦୨୬, ନାମାଙ୍କନ ପତ୍ର ଦାଖଲର ଶେଷ ତାରିଖ: ମାର୍ଚ୍ଚ ୨୩, ୨୦୨୬, ନାମାଙ୍କନ ଯାଞ୍ଚ: ମାର୍ଚ୍ଚ ୨୪, ୨୦୨୬, ପ୍ରତ୍ୟାହାରର ଶେଷ ତାରିଖ: ମାର୍ଚ୍ଚ ୨୬, ୨୦୨୬, ଭୋଟ ତାରିଖ: ଏପ୍ରିଲ ୯, ୨୦୨୬ ରଖାଯାଇଛି। ସେହିପରି କେରଳରେ ମତଦାନ ପାଇଁ ନିର୍ବାଚନ ବିଜ୍ଞପ୍ତି ତାରିଖ: ମାର୍ଚ୍ଚ ୧୬, ୨୦୨୬, ନାମାଙ୍କନ ପତ୍ର ଦାଖଲର ଶେଷ ତାରିଖ: ମାର୍ଚ୍ଚ ୨୩, ୨୦୨୬,ନାମାଙ୍କନ ଯାଞ୍ଚ: ମାର୍ଚ୍ଚ ୨୪, ୨୦୨୬, ପ୍ରତ୍ୟାହାରର ଶେଷ ତାରିଖ: ମାର୍ଚ୍ଚ ୨୬, ୨୦୨୬ ଓ ମତଦାନ ତାରିଖ ଏପ୍ରିଲ ୯, ୨୦୨୬ ରହିଛି। ସେହିପରି କେନ୍ଦ୍ରଶାସିତ ପୁଡୁଚେରୀ ପାଇଁ ଭୋଟ ବିଜ୍ଞପ୍ତି ତାରିଖ: ମାର୍ଚ୍ଚ ୧୬, ୨୦୨୬, ନାମାଙ୍କନ ପତ୍ର ଦାଖଲର ଶେଷ ତାରିଖ: ମାର୍ଚ୍ଚ ୨୩, ୨୦୨୬, ନାମାଙ୍କନ ପତ୍ର ଯାଞ୍ଚ: ମାର୍ଚ୍ଚ ୨୪, ୨୦୨୬, ପ୍ରତ୍ୟାହାରର ଶେଷ ତାରିଖ: ମାର୍ଚ୍ଚ ୨୬, ୨୦୨୬ ଓ ଭୋଟଗ୍ରହଣ ଏପ୍ରିଲ ୯, ୨୦୨୬ ରହିଛି। ତାମିଲନାଡୁ ଗୋଟିଏ ପର୍ଯ୍ୟାୟରେ ଭୋଟ ହେବ। ଏଥିପାଇଁ ବିଜ୍ଞପ୍ତି ତାରିଖ: ମାର୍ଚ୍ଚ ୩୦, ୨୦୨୬, ନାମାଙ୍କନ ଦାଖଲର ଶେଷ ତାରିଖ: ଏପ୍ରିଲ ୬, ୨୦୨୬, ନାମାଙ୍କନ ଯାଞ୍ଚ: ଏପ୍ରିଲ ୭, ୨୦୨୬, ପ୍ରତ୍ୟାହାରର ଶେଷ ତାରିଖ: ଏପ୍ରିଲ ୯, ୨୦୨୬ ଓ ଭୋଟଦାନ ତାରିଖ: ଏପ୍ରିଲ ୨୩, ୨୦୨୬ ରଖାଯାଇଛି।

ପଶ୍ଚିମବଙ୍ଗରେ ଦୁଇ ପର୍ଯ୍ୟାୟ ମତଦାନ ହେବ। ପ୍ରଥମ ପର୍ଯ୍ୟାୟ ପାଇଁ ନିର୍ବାଚନ ବିଜ୍ଞପ୍ତି: ମାର୍ଚ୍ଚ ୩୦, ୨୦୨୬, ନାମାଙ୍କନ ପାଇଁ ଶେଷ ତାରିଖ: ଏପ୍ରିଲ ୬, ୨୦୨୬, ନାମାଙ୍କନ ଯାଞ୍ଚ: ଏପ୍ରିଲ ୭, ୨୦୨୬, ପ୍ରତ୍ୟାହାରର ଶେଷ ତାରିଖ: ଏପ୍ରିଲ ୯, ୨୦୨୬ ଓ ଭୋଟ ତାରିଖ: ଏପ୍ରିଲ ୨୩, ୨୦୨୬ ରହିଛି। ସେହିପରି ଦ୍ୱିତୀୟ ପର୍ଯ୍ୟାୟ ମତଦାନ ପାଇଁ ନିର୍ବାଚନ ବିଜ୍ଞପ୍ତି: ଏପ୍ରିଲ ୨, ୨୦୨୬, ନାମାଙ୍କନ ପାଇଁ ଶେଷ ତାରିଖ: ଏପ୍ରିଲ ୯, ୨୦୨୬, ନାମାଙ୍କନ ଯାଞ୍ଚ: ଏପ୍ରିଲ ୧୦, ୨୦୨୬, ପ୍ରତ୍ୟାହାରର ଶେଷ ତାରିଖ: ଏପ୍ରିଲ ୧୩, ୨୦୨୬ ଓ ଭୋଟ ତାରିଖ: ଏପ୍ରିଲ ୨୯, ୨୦୨୬ ରିହିଛି। ସେହିପରି ଗୋଆ, କର୍ଣ୍ଣାଟକ, ନାଗାଲାଣ୍ଡ, ତ୍ରିପୁରା ସମେତ ଛଅଟି ରାଜ୍ୟରେ ଉପ-ନିର୍ବାଚନ ପାଇଁ ଭାରତୀୟ ନିର୍ବାଚନ କମିଶନ ମଧ୍ୟ ସୂଚୀ ଘୋଷଣା କରିଛନ୍ତି। ତଦନୁସାରେ ବିଜ୍ଞପ୍ତି ଜାରି: ମାର୍ଚ୍ଚ ୧୬, ୨୦୨୬, ନାମାଙ୍କନ ଦାଖଲର ଶେଷ ତାରିଖ: ମାର୍ଚ୍ଚ ୨୩, ୨୦୨୬, ଯାଞ୍ଚ: ମାର୍ଚ୍ଚ ୨୪, ୨୦୨୬, ପ୍ରତ୍ୟାହାର: ମାର୍ଚ୍ଚ ୨୬, ୨୦୨୬ ରହିଛି। ମେ ୪ ତାରିଖରେ ନିର୍ବାଚନ ଫଳାଫଳ ଘୋଷଣା କରାଯିବ ବୋଲି କାର୍ଯ୍ୟସୂଚୀ ରହିଛି।