Oplus_16908288
ନୀଳଗିରି: ରାଜ୍ୟରେ ବିଭିନ୍ନ ଠକ କମ୍ପାନୀ ମାନେ ଜନ ସାଧାରଣ ମାନଙ୍କୁ ଭୁଆଁ ବୁଲାଇ ସେମାନଙ୍କ ଠାରୁ ଟଙ୍କା ହଡ଼ପ କରୁଥିବା ବେଳେ ବାଲେଶ୍ୱର ଜିଲ୍ଲାର ଶ୍ରୀରାମ ଫାଇନସ କମ୍ପାନୀ ପ୍ରତ୍ୟେକ ସ୍କୁଲର ପ୍ରଧାନ ଶିକ୍ଷକ ଶିକ୍ଷୟତ୍ରୀ ମାନଙ୍କୁ ଟାର୍ଗେଟ କରି ଛାତ୍ର ଛାତ୍ରୀଙ୍କ ଅଭିଭାବକଙ୍କ ଠାରୁ ଅଭିନବ ଉପାୟରେ ଟଙ୍କା ଓ ସୁନା ଗହଣା ଲୁଟି ନେଇଥିବାର ଅଭିଯୋଗ ଆସିଛି ଏଭଳି ଏକ ଘଟଣା ନୀଳଗିରି ବ୍ଲକ ସଜନଗଡ ପଞ୍ଚାୟତର ଥିବା ତେଣ୍ଡା କନ୍ୟାଶ୍ରମ ସ୍କୁଲରେ ଘଟିଛି। ଗତ ଏକ ସପ୍ତାହ ପୂର୍ବରୁ ବାଲେଶ୍ୱରରେ ଥିବା ଶ୍ରୀରାମ ଫାଇନ୍ୟାନ୍ସ କମ୍ପାନୀର ଦୁଇ ଜଣ କର୍ମଚାରୀ ତେଣ୍ଡା କନ୍ୟାଶ୍ରମ ସ୍କୁଲରେ ପହଞ୍ଚି ଛାତ୍ରୀ ମାନଙ୍କର କୁଇଜ୍ ପରୀକ୍ଷା କରିବା ପାଇଁ ସ୍କୁଲର ପ୍ରଧାନ ଶିକ୍ଷକଙ୍କୁ କହି ଥିଲେ। ଉକ୍ତ ସ୍କୁଲର ଦାୟୀତ୍ୱରେ ଥିବା ପ୍ରଧାନ ଶିକ୍ଷକ କୁଇଜ୍ ପରୀକ୍ଷା ପାଇଁ ଅନୁମତି ମଧ୍ୟ ଦେଇଥିଲେ।
ଗରିବ ଲୋକଙ୍କୁ ଭ୍ରମିତ କରି ପୁରଷ୍କାର ଦେବାକୁ ଡାକି ଲାଇଫ ଇନ୍ସ୍ୟୁରାନ୍ସ କରାଇ ଠକିନେଲେ ସୁନା ଓ ଟଙ୍କା ।ଏଭଳି ଏକ ତଞ୍ଚକତାର ଗୁମର ଦେଖିବାକୁ ମିଳିଛି ନୀଳଗିରି ବ୍ଲକ କେସିପୁର ପଞ୍ଚାୟତ ବେତକଟା ଗ୍ରାମରେ।ସୂଚନା ଅନୁଯାୟୀ ଶ୍ରୀରାମ ଲାଇଫ ଇନ୍ସ୍ୟୁରାନ୍ସ କମ୍ପାନୀର କର୍ମଚାରୀମାନେ କିଛି ଦିନ ତଳେ ତେଣ୍ଡା ବାଳିକା ଆଶ୍ରମକୁ ବିନା ଅନୁମତିର ଯିବା ସହ ଛାତ୍ରୀ ମାନଙ୍କ ମଧ୍ୟରେ ଏକ କୁଇଜ ପରୀକ୍ଷା କରାଇଥିଲେ।ସେଠାରୁ ସ୍କୁଲର ପ୍ରଧାନ ଶିକ୍ଷକଙ୍କ ମାଧ୍ୟମରେ
ସମସ୍ତ ଛାତ୍ରୀମାନଙ୍କ ଅଭିଭାବକଙ୍କ ନମ୍ବର ନେଇ ସମସ୍ତଙ୍କୁ ଫୋନ କରି ସେମାନଙ୍କ ଝିଅ ପରୀକ୍ଷାରେ ପ୍ରଥମ ହୋଇଛନ୍ତି ପୁରଷ୍କାର ନେବା ପାଇଁ ବାଲେଶ୍ୱର ଅଫିସକୁ ଡକାଇଥିଲେ।ସେଠାରେ ସେମାନଙ୍କୁ ଏକ ମାନପତ୍ର ପ୍ରଦାନ କରିବା ସହ ପରବର୍ତ୍ତିୀ ସମୟରେ ଜୀବନ ବୀମା କରିବା ପାଇଁ ବାଧ୍ୟ କରାଇଥିଲେ।ଏବଂ ସେମାନଙ୍କଠାରୁ ଜବରଦସ୍ତ ଦସ୍ତଖତ ନେଇ ୯ ହଜାର ଟଙ୍କା ଲେଖାଏଁ ଜୀବନ ବୀମା ପାଇଁ ନେଇଥିଲେ।ଯେଉଁ ଗରିବ ଲୋକମାନେ ଟଙ୍କା ଦେଇପାରିନଥିଲେ ଉକ୍ତ ସଂସ୍ଥାର କର୍ମଚାରୀମାନେ ବିଳମ୍ବିତ ରାତିରେ ଉକ୍ତ ଗ୍ରାମର ଗୌରାଙ୍ଗ ନାୟକଙ ଘରକୁ ଯାଇ ସୁନା ବନ୍ଧକ ରଖି ଟଙ୍କା ଦେବା ପାଇଁ କହି ସୁନା ଅଳଙ୍କାର ନେଇଥିଲେ।ପରବର୍ତ୍ତୀ ସମୟରେ ଅଭିଯୋଗ ହେବା ପରେ ଘଟଣା ସାମ୍ନାକୁ ଆସିଥିଲା।ପ୍ରଥମତଃ ଯେତେବେଳେ ଆଶ୍ରମ ବିଦ୍ୟାଳୟକୁ ଅଭିଭାବକ ମାନଙ୍କୁ ଯିବା ପାଇଁ ବାରଣ ରହିଛି ଏବଂ ପ୍ରତ୍ୟେକ ଅଭିଭାବକ ମାନେ ତାଙ୍କ ଝିଅକୁ ସ୍କୁଲ ଗେଟ ଏପାଖରେ ରହି ଦେଖା କରୁଥିବା ବେଳେ
ସେତେବେଳେ କିପରି ଏକ ଠିକା ସଂସ୍ଥାର କର୍ମଚାରୀମାନେ ବିନା ଅନୁମତିରେ ସ୍କୁଲ ପରିସରରକୁ ପ୍ରବେଶ କରି ପରୀକ୍ଷା କରାଇଲେ।ଦିତୀୟରେ ଉକ୍ତ ସଂସ୍ଥାର କର୍ମଚାରୀ ମାନେ କିପରି ଅଭିଭାବକ ମାନଙ୍କୁ ଭୂଆଁ ବୁଲାଇ ମାନପତ୍ର ଦେବା ବାହାନାରେ ଜୀବନ ବୀମା କରାଇବା ପାଇଁ ବାଘ୍ୟ କରାଇବା ସହ ବିଳମ୍ବିତ ରାତିରେ ସୁନା ବନ୍ଧକ ରଖିଲେ ତାହା ତଦନ୍ତ ସାପେକ୍ଷ। କନ୍ୟାଆଶ୍ରମ ସ୍କୁଲର ଛାତ୍ରୀ ମାନଙ୍କୁ ସରକାର ସବୁ ପ୍ରକାର ସୁବିଧା ସୁଯୋଗ ଯୋଗାଇ ଦେଉଥିବା ବେଳେ ଅଭିଭାବକ ମାନେ ତାଙ୍କ ପିଲା ମାନଙ୍କୁ ସାବୁନ, କଲଗେଟ, ତେଲ ଦେଉଥିବାର ଦେଖିବାକୁ ମିଳିଛି। ତେବେ ଏଠି ପ୍ରଶ୍ନ ଉଠେ ସ୍କୁଲ କର୍ତ୍ତୃପକ୍ଷ ଛାତ୍ରୀ ମାନଙ୍କୁ ଆସୁଥିବା ସୁବିଧା ସୁଯୋଗରୁ ବଞ୍ଚିତ କରୁଥିବାରୁ ଅଭିଭାବକ ମାନେ ଖର୍ଚ୍ଚାନ୍ତରେ ପଡ଼ୁଥିବାର ଅଭିଯୋଗ ଉଠିଛି। ଯାହା ଜଣାପଡ଼ୁଛି ତେଣ୍ଡା କନ୍ୟାଶ୍ରମ ସ୍କୁଲର ପ୍ରଧାନ ଶିକ୍ଷକ ଶ୍ରୀରାମ ଫାଇନାନ୍ସ କମ୍ପାନୀ ସହିତ ସଲାସୂତର ହୋଇ ଏଭଳି କାର୍ଯ୍ୟ କରିଥିବାର ଅଭିଯୋଗ ଉଠିଛି। ଘଟଣା ଗଣମାଧ୍ୟମ କାନକୁ ଆସିଲା ପରେବି ପ୍ରଧାନ ଶିକ୍ଷକ ଶ୍ରୀରାମ କମ୍ପାନୀ ବିରୋଧରେ ଏତଲା ଏନେଇ କାହିଁକି କମ୍ପାନୀକୁ ଅନୁକମ୍ପା ଦେଖାଇ ଅଭିଭାବକ ମାନଙ୍କୁ ଧରି ଘଟଣାକୁ ଚପାଇ ଦେବାକୁ ଏଭଳି ବେଆଇନ କାର୍ଯ୍ୟ କଲେ ତାହା ଏବେ ସନ୍ଦେହ ଘେରରେ।
ଏ ନେଇ ଶ୍ରୀରାମ ଜୀବନ ବୀମାର ବ୍ରାଞ୍ଚ ମ୍ୟାନେଜର ଗଣେଷ ପରମାଣିକଙ୍କୁ ପଚାରିବାରୁ ଆଜ୍ଞା ଆମର ଭୁଲ ହୋଇଯାଇଥିଲା ଆମ କର୍ମଚାରୀ ଭୁଲ କରିଥିଲେ ଆମେ ସମସ୍ତ ଲୋକଙ୍କୁ ସେମାନଙ୍କ ଟଙ୍କା ଓ ସୁନା ଫେରେଇଦେଇଛୁ କେବଳ ଜଣେ ଲୋକଙ୍କର ବାକି ରହିଛି କିଛି ଦିନରେ ଫେରେଇ ଦବୁ ବୋଲି କହିଛନ୍ତି।
About the Author
