ତ୍ରିପୋଲି: ଲିବ୍ୟାର ପୂର୍ବତନ ଏକଚ୍ଛତ୍ରବାଦୀ ନେତା ମୁଆମ୍ମାର ଗଦ୍ଦାଫିଙ୍କ ପୁଅ ସୈଫ୍ ଅଲ ଇସଲାମ୍ ଗଦ୍ଦାଫି ଗୁଳିମାଡ଼ରେ ନିହତ ହୋଇଛନ୍ତି। ଲିବିୟାର ଏକ ଖବର ସରବରାହ ସଂସ୍ଥାର ସୂଚନା ଅନୁସାରେ ପିତାଙ୍କ ଉତ୍ତରାଧିକାରୀ ଭାବେ ବିବେଚନା କରାଯାଉଥିବା ୫୩ ବର୍ଷୀୟ ସୈଫ୍ଙ୍କୁ ତାଙ୍କ ଜିନତାନ ବାସଭବନରେ ପଶି ମଙ୍ଗଳବାର ସଂଧ୍ୟାରେ ୪ଜଣ ମୁଖାଧାରୀ ଦୁର୍ବୃତ୍ତ ଗୁଳିମାରି ହତ୍ୟା କରିଛନ୍ତି। ସୈଫଙ୍କୁ ଲିବ୍ୟା-ଆଲଜେରିଆ ସୀମାରେ ହତ୍ୟା କରାଯାଇଥିବା ତାଙ୍କ ଭଉଣୀ ସୂଚନା ଦେଇଛନ୍ତି। ଘଟଣାର ଅନ୍ତର୍ଜାତୀୟ ତଦନ୍ତ ପାଇଁ ସେଫଙ୍କୁ ରାଜନୈତିକ ଦଳ ଦାବି ଉଠାଇଛନ୍ତି। ସୈଫଙ୍କ ଓକିଲ ଖାଲେଦ ଅଲ ଜାଇଦି ଏବଂ ତାଙ୍କ ରାଜନୈତିକ ପରାମର୍ଶଦାତା ଅବଦୁଲ୍ଲା ଓଥମାନ ସୈଫଙ୍କ ମୃତ୍ୟୁ ବିଷୟରେ ଫେସବୁକ୍୍େର ପୋଷ୍ଟ କରିଛନ୍ତି। ସୈଫଙ୍କୁ ଲିବ୍ୟାରେ କୌଣସି ସରକାରୀ ପଦ ମିଳି ନଥିଲା। ବିରୋଧୀ ତ୍ରିପୋଲିକୁ ଦଖଲ କରିବା ପରେ ୨୦୧୧ରେ ସୈଫ ଉତ୍ତର ଆଫ୍ରିକା ପଳାଇଯିବା ପାଇଁ ଉଦ୍ୟମ କରୁଥିବା ସମୟରେ ତାଙ୍କୁ ଜିନତାନରେ ଧରାଯାଇ ବନ୍ଦୀ କରାଯାଇଥିଲା। ତେବେ ୨୦୧୭ରେ ତାଙ୍କୁ କ୍ଷମା ଦିଆଯାଇଥିଲା। ସେବେଠାରୁ ସେ ଜିନତାନରେ ରହିଆସୁଥିଲେ।
ମୁଆମ୍ମାର ଗଦ୍ଦାଫିଙ୍କ ପୁଅଙ୍କୁ ଗୁଳିମାରି ହତ୍ୟା
Leave a Reply