ନୀଳଗିରି : ନୀଳଗିରି ଥାନା ଅଞ୍ଚଳରେ ଜଣେ ବିବାହିତ ମହିଳାଙ୍କୁ ବାରମ୍ବାର ପ୍ରେମନିବେଦନ କରି ବିଫଳହେବା, ପରେ ଜୋରଜବରଦସ୍ତ ଟଣାଓଟରା କରିବାସହ ଆକ୍ରମଣକରିବା ଘଟଣାରେ,ଜୈନିକ ଯୁବକ ଗଛରେ ବନ୍ଧାହେବାପରେ ପୋଲିସ ଉକ୍ତ ଯୁବକକୁ ଉଦ୍ଧାରକରି ଥାନାକୁ ଆଣିଥିବା ଜଣାଯାଇଛି। ସୂଚନା ମୁତାବକ ନୀଳଗିରି ଥାନା ବେଗୁନିଆ ଗ୍ରାମର ବିବାହିତା ମହିଳା ଯମୁନା ବେହେରାଙ୍କୁ ଉକ୍ତ ଥାନା ସିଙ୍ଗିର ଗ୍ରାମର ଖଗେଶ୍ୱର କର ନାମକ ଯୁବକ ଜୋରଜବରଦସ୍ତ ପ୍ରେମନିବେଦନ କରି ଟଣାଘୋଷରା କରିବା ଏବଂ ସଂପୃକ୍ତ ମହିଳାଜଣକ ଅରାଜିହେବାରୁ ମହିଳାକୁ ଯୁବକ ଜଣକ ଅଶ୍ଳୀଳଭାଷାରେ ଗାଳିଗୁଲଜ କରି ଛୁରୀରେ ଆକ୍ରମଣ କରିଥିଲା। ଫଳରେ ମହିଳାଙ୍କ ବେକରେ ଗଭୀର କ୍ଷତ ହୋଇଥିବା ଜଣାଯାଇଛି।ଏହି ସମୟରେ ମହିଳାଙ୍କ ପୁଅ ଟିଉସନସାରି ଫେରୁଥିବା ବେଳେ ଏଭଳି ଅଘଟଣ ଦେଖି ନିକଟସ୍ଥ ମାମୁଁଘର ଏବଂ ସମ୍ପର୍କୀୟଙ୍କୁ ଡାକ ପକାଇଥିଲେ। ତୁରନ୍ତ ସେମାନେ ଆସି ଯୁବକ ଜଣକ କବଳରୁ ମହିଳାଙ୍କୁ ଉଦ୍ଧାରକରି ଯୁବକଙ୍କୁ ଏକ ଗଛରେ ବାନ୍ଧି ପକାଇଥିଲେ।ପରେ ୧୧୨କୁ ଖବର ଦେଲାପରେ ପୋଲିସ ଯୁବକଙ୍କୁ ଉଦ୍ଧାରକରି ଥାନାକୁ ଆଣିଛି। ତେବେ ମହିଳାଙ୍କ ସହିତ ଯୁବକଙ୍କର ପୂର୍ବରୁ ପ୍ରେମସମ୍ପର୍କ ରହିଥିବା ଶୁଣିବାକୁ ମିଳିଥିବାବେଳେ ପୂର୍ବ ଘଟଣାକୁନେଇ ଥାନାରେ ଆପୋଷ ସମାଧାନ ହୋଇଥିବା ଜଣାଯାଇଛି। ଏନେଇ ନୀଳଗିରି ଥାନାରେ ମହିଳାଜଣକ ଲିଖିତ ଅଭିଯୋଗ କରିଥିବା ବେଳେ.. ନଂରେ ମାମଲା ରୁଜୁ ହୋଇ ତଦନ୍ତ ଚାଲିଥିବା ପୋଲିସ ସୂତ୍ରରୁ ପ୍ରକାଶ।
About the Author
