ବେଙ୍ଗାଲୁରୁ: ଲୋକଭବନରେ ଇସ୍ତଫା ଦେବା ପରେ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା ଗୁରୁବାର ସ୍ପଷ୍ଟ କରିଛନ୍ତି ଯେ ତାଙ୍କର ଜାତୀୟ ରାଜନୀତିକୁ ଯିବାର କୌଣସି ଉଦ୍ଦେଶ୍ୟ ନାହିଁ ଏବଂ ସେ ମଙ୍ଗଳବାର ଦିନ ତାଙ୍କ ସହିତ ହୋଇଥିବା ଆଲୋଚନା ସମୟରେ ଲୋକସଭାରେ ବିରୋଧୀ ଦଳ ନେତା ରାହୁଲ ଗାନ୍ଧୀଙ୍କୁ ଏହା ଜଣାଇସାରିଛନ୍ତି। ଦୁଇଥର ମୁଖ୍ୟମନ୍ତ୍ରୀ ଏବଂ ବିଧାନସଭାରେ ଲୋପାର୍ôଥବ ଭାବରେ ସେବା କରିବାର ସୁଯୋଗ ପ୍ରଦାନ କରିବା ପାଇଁ ସେ ଦିଲ୍ଲୀରେ ରାହୁଲ ଗାନ୍ଧୀଙ୍କୁ ଧନ୍ୟବାଦ ଜଣାଇବା ପାଇଁ ତାଙ୍କୁ ଭେଟିବାର କିଛି ଘଣ୍ଟା ପୂର୍ବରୁ ତାଙ୍କର ଏହି ବୟାନ ଆସିଛି। “ବରୁଣା ବିଧାନସଭା ନିର୍ବାଚନମଣ୍ଡଳୀର ଲୋକମାନେ ପାଞ୍ଚ ବର୍ଷ ପାଇଁ ସଦସ୍ୟଙ୍କୁ ନିର୍ବାଚିତ କରିଛନ୍ତି ଏବଂ ମୋର ବିଧାୟକ ଭାବରେ କାର୍ଯ୍ୟକାଳର ଆହୁରି ଦୁଇ ବର୍ଷ ବାକି ଅଛି। ରାହୁଲ ମୋତେ ଆରଏସ ଆସନ ପ୍ରଦାନ କରିଥିଲେ ଯାହାକୁ ମୁଁ ମନା କରିଦେଇଥିଲି”, ସେ ଡିସିଏମ୍ ଡିକେ ଶିବକୁମାରଙ୍କ ସହିତ ଏକ ମିଳିତ ସାମ୍ବାଦିକ ସମ୍ମିଳନୀରେ ସମ୍ବୋଧିତ କରି ସାମ୍ବାଦିକମାନଙ୍କୁ କହିଥିଲେ। ସେ ସ୍ପଷ୍ଟ କରିଛନ୍ତି ଯେ ହାଇକମାଣ୍ଡଙ୍କ କୌଣସି ଚାପ ବିନା ସେ ସ୍ୱେଚ୍ଛାକୃତ ଭାବରେ ଇସ୍ତଫା ଦେଇଛନ୍ତି। “ମୁଁ ଆରମ୍ଭରୁ କହୁଥିଲି ଯେ ହାଇକମାଣ୍ଡ ମୋତେ ଏପରି କରିବାକୁ କହିବା ପରେ ମୁଁ ଇସ୍ତଫା ଦେବି”, ସେ ଯୁକ୍ତି କରିଥିଲେ। ତାଙ୍କ ଉତ୍ତରାଧିକାରୀ କିଏ ହେବେ ବୋଲି ପଚରାଯିବାରୁ ସିଦ୍ଧରମୈୟା କହିଥିଲେ ଯେ କଂଗ୍ରେସ ବିଧାୟକ ଦଳ (ସିଏଲପି) ନିଷ୍ପତ୍ତି ନେବ କିନ୍ତୁ ଡି କେ ଶିବକୁମାରଙ୍କ ଆଡ଼କୁ ଇଙ୍ଗିତ କରିଥିଲେ କାରଣ ଡି କେ ଶିବକୁମାର ତାଙ୍କର ଉତ୍ତରାଧିକାରୀ ହେବାର ସମ୍ଭାବନା ଅଧିକ।
About the Author
