ବାରାଣସୀ: ଗଙ୍ଗା ନଦୀ ଉପରେ ଯୁଦ୍ଧ ବିମାନଗୁଡ଼ିକର ଗର୍ଜନ, ଆକାଶରେ ଅତ୍ୟଧିକ ବେଗରେ ଛୁଟୁଥିବା ବିମାନ ଏବଂ ରୋମାଞ୍ଚକର ଆକାଶୀ କୌଶଳ ବାରଣାସୀରେ ଏକ ଚିତ୍ତାକର୍ଷକ ଦୃଶ୍ୟ ସୃଷ୍ଟି କରିଥିଲା। ‘ୱିଙ୍ଗସ୍ ଓଭର ଗଙ୍ଗା’ନାମକ ଏହି ବାୟୁ ପ୍ରଦର୍ଶନୀ କାଶୀର ଆକାଶକୁ ଏକ ଭବ୍ୟ ବିମାନ ପ୍ରଦର୍ଶନର କେନ୍ଦ୍ରବିନ୍ଦୁରେ ପରିଣତ କରିଦେଇଥିଲା। ଭାରତୀୟ ବାୟୁସେନାର ଏହି ଚମତ୍କାର ପ୍ରଦର୍ଶନକୁ ଦେଖିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ‘ନମୋ ଘାଟ’ରେ ଉପସ୍ଥିତ ଥିଲେ। ଐତି ଷସଗ୍ଦଗ୍ଧକ୍ଟକ୍ସସକ୍ତଙ୍କର ଘାଟ ଏବଂ ଗଙ୍ଗାର ପ୍ରବାହମାନ ଜଳରାଶି ପୃଷ୍ଠଭୂମିରେ ଆୟୋଜିତ ଏହି କାର୍ଯ୍ୟକ୍ରମ ଭାରତର ସାମରିକ କ୍ଷମତା ଏବଂ ଆଧୁନିକ ବିମାନ ପ୍ରଯୁକ୍ତିବିଦ୍ୟାର ଏକ ଝଲକ ପ୍ରଦାନ କରିଥିଲା। ଏହି ବାୟୁ ପ୍ରଦର୍ଶନୀରେ ସୁଖୋଇ-୩୦ ଏମକେଆଇ ଏବଂ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ହାଲୁକା ଯୁଦ୍ଧ ବିମାନ ତେଜସ୍ ମୁଖ୍ୟ ଆକର୍ଷଣ ସାଜିଥିଲା। ଯୁଦ୍ଧ ବିମାନଗୁଡ଼ିକର ଦ୍ରୁତ ଗତି ଏବଂ ସଠିକ୍ ଆକାଶୀ କୌଶଳ ଭାରତୀୟ ବାୟୁସେନା ପାଇଲଟମାନଙ୍କ ଦକ୍ଷତା, ପ୍ରଶିକ୍ଷଣ ଏବଂ ଶୃଙ୍ଖଳାକୁ ପ୍ରଦର୍ଶିତ କରିଥିଲା।
ଏହା ବ୍ୟତୀତ, ହାଲୁକା ଯୁଦ୍ଧ ହେଲିକପ୍ଟର ପ୍ରଚଣ୍ଡ ମଧ୍ୟ ନିଜର କ୍ଷମତା ପ୍ରଦର୍ଶନ କରିଥିଲା। ବିଭିନ୍ନ ବିମାନର ଏହି ପ୍ରଦର୍ଶନ, ଉନ୍ନତ ପ୍ରଯୁକ୍ତିବିଦ୍ୟା ଏବଂ ଉଚ୍ଚ ପ୍ରଶିକ୍ଷିତ କର୍ମଚାରୀଙ୍କ ମାଧ୍ୟମରେ ନିଜର କାର୍ଯ୍ୟକ୍ଷମତାକୁ ସୁଦୃଢ଼ କରିବା ପାଇଁ ଭାରତୀୟ ବାୟୁସେନାର ନିରନ୍ତର ପ୍ରୟାସକୁ ଦର୍ଶାଉଥିଲା। ଯେତେବେଳେ ସୂର୍ଯ୍ୟ କିରଣ ଏରୋବାଟିକ୍ ଟିମ୍ ଅତ୍ୟନ୍ତ ସଠିକତା ସହ ସମନ୍ୱିତ କୌଶଳ ପ୍ରଦର୍ଶନ କଲା, ସେତେବେଳେ ଉତ୍ସାହ ଆହୁରି ବଢ଼ିଯାଇଥିଲା। ସେହିପରି ସାରଙ୍ଗ ହେଲିକପ୍ଟର ଡିସପ୍ଲେ ଟିମ୍ ମଧ୍ୟ ନିଜର ପ୍ରଦର୍ଶନ ମାଧ୍ୟମରେ ଦର୍ଶକଙ୍କ ଦୃଷ୍ଟି ଆକର୍ଷଣ କରିଥିଲା। ବିମାନଗୁଡ଼ିକର ସୁସଜ୍ଜିତ ଗଠନ ଏବଂ ଆକାଶରେ ସୃଷ୍ଟି ହୋଇଥିବା ମନୋରମ ଆକୃତିଗୁଡ଼ିକ ଏହି କାର୍ଯ୍ୟକ୍ରମକୁ ସ୍ମରଣୀୟ କରିଦେଇଥିଲା, ଏବଂ ଆକାଶରେ ତ୍ରିରଙ୍ଗାର ‘ଦ ୱିଙ୍ଗ୍ସ୍ ଓଭର୍ ଗଙ୍ଗା’ ମାଧ୍ୟମରେ ଭାରତୀୟ ବାୟୁସେନା ନିଜର ଦକ୍ଷତା ଓ ସାହସର ଏକ ଚମତ୍କାର ପ୍ରଦର୍ଶନ କଲା, ଯାହା ବାରଣାସୀର ପ୍ରମୁଖ ଆକର୍ଷଣଗୁଡ଼ିକ ମଧ୍ୟରେ ଏହି କାର୍ଯ୍ୟକ୍ରମକୁ ଏକ ସ୍ୱତନ୍ତ୍ର ସ୍ଥାନ ପ୍ରଦାନ କଲା।
About the Author
