ରିୟାଦ ବିମାନବନ୍ଦର ଉପରେ ଆକ୍ରମଣ; ୧୨ ଜଣଙ୍କ ମୃତ୍ୟୁ ଓ ୩୦୦ ଜଣ ଆହତ
ରିଆଦ: ସ୍ଥାନୀୟ କର୍ତ୍ତୃପକ୍ଷଙ୍କ ଅନୁଯାୟୀ, ସାଉଦି ଆରବର ରିୟାଦସ୍ଥିତ ଅନ୍ତର୍ଜାତୀୟ ବିମାନବନ୍ଦର ଉପରେ ହୋଇଥିବା ଏକ ଆକ୍ରମଣରେ ଅତିକମରେ ୧୨ ଜଣଙ୍କ ମୃତ୍ୟୁ ଘଟିଛି ଏବଂ ୩୦୯ ଜଣ ଆହତ ହୋଇଛନ୍ତି। ସାଉଦି ବେସାମରିକ ବିମାନ ଚଳାଚଳ କର୍ତ୍ତୃପକ୍ଷଙ୍କ ସୂଚନା ଅନୁଯାୟୀ, ମୃତକଙ୍କ ମଧ୍ୟରେ ଚାରିଜଣ ସାଉଦି ନାଗରିକ, ଦୁଇଜଣ ବାଂଲାଦେଶୀ ଏବଂ ଆମେରିକା, ଜୋର୍ଡାନ, ପାଲେଷ୍ଟାଇନ୍‌, ସିରିଆ, ସୁଦାନ ଓ ଇଜିପ୍ଟରୁ ଜଣେ ଲେଖାଏଁ ବ୍ୟକ୍ତି ସାମିଲ ଅଛନ୍ତି। ଏହି ଆକ୍ରମଣ ପରେ କିଙ୍ଗ୍ ଖାଲିଦ୍ ଅନ୍ତର୍ଜାତୀୟ ବିମାନବନ୍ଦରର କାର୍ଯ୍ୟକଳାପ ସ୍ଥଗିତ ରଖାଯାଇଛି; ମେ’ ୨୦୧୫ ପରଠାରୁ ଏହି ରାଜ୍ୟରେ ଘଟିଥିବା ଆକ୍ରମଣ ମଧ୍ୟରେ ଏହା ସବୁଠାରୁ ମାରାତ୍ମକ ଥିଲା। ସାଉଦି ନେତୃତ୍ୱାଧୀନ ସାମରିକ ମେଣ୍ଟ ପରେ ଏହି ଆକ୍ରମଣର ଜବାବ ଦେବାକୁ ସଂକଳ୍ପ ନେଇଛି। ସେମାନେ ଏହାକୁ ଏକ ଯୁଦ୍ଧ ଅପରାଧ ବୋଲି ବର୍ଣ୍ଣନା କରିବା ସହ ୟେମେନର ହୁତି ବିଦ୍ରୋହୀଙ୍କୁ ଏଥିପାଇଁ ଦାୟୀ କରିଛନ୍ତି। ଶନିବାରର ଆକ୍ରମଣ ଉପରେ ହୁତିମାନେ କୌଣସି ମନ୍ତବ୍ୟ ଦେଇନାହାନ୍ତି, କିନ୍ତୁ ସେମାନେ ସ୍ୱୀକାର କରିଛନ୍ତି ଯେ ଗୁରୁବାର ଦିନ ସେହି ବିମାନବନ୍ଦର ଉପରେ ହୋଇଥିବା ଆକ୍ରମଣ ପଛରେ ସେମାନଙ୍କର ହାତ ଥିଲା, ଯେଉଁଥିରେ ତିନିଜଣଙ୍କ ମୃତ୍ୟୁ ଘଟିଥିଲା ଏବଂ ଗୋଟିଏ ବିମାନ କ୍ଷତିଗ୍ରସ୍ତ ହୋଇଥିଲା। ଅକ୍ଟୋବର ୬ ଏବଂ ୭ ତାରିଖରେ ସାଉଦି ଆରବର ଅନ୍ୟ ଦୁଇଟି ବିମାନବନ୍ଦର ଉପରେ ହୁତିମାନଙ୍କ ଦ୍ୱାରା ହୋଇଥିବା ପୃଥକ ଆକ୍ରମଣରେ ଆଉ ତିନିଜଣଙ୍କ ମୃତ୍ୟୁ ଘଟିଥିଲା।
ସାଉଦି ସମର୍ôଥତ ୟେମେନ ସରକାରୀ ବାହିନୀ ଏବଂ ଇରାନ ସମର୍ôଥତ ହୁତି ବିଦ୍ରୋହୀଙ୍କ ମଧ୍ୟରେ ସମ୍ପ୍ରତି ସଂଘର୍ଷ ତୀବ୍ର ହୋଇଛି; ଉଲ୍ଲେଖଯୋଗ୍ୟ ଯେ ହୁତିମାନେ ଦେଶର ଅଧିକାଂଶ ଅଞ୍ଚଳ ନିୟନ୍ତ୍ରଣ କରୁଛନ୍ତି।

ସାଉଦି ନେତୃତ୍ୱାଧୀନ ମେଣ୍ଟ କହିଛି ଯେ ରିୟାଦ ବିମାନବନ୍ଦର ଉପରେ ଆକ୍ରମଣ ବ୍ୟତୀତ, ଶନିବାର ଦିନ ପୂର୍ବ ସାଉଦି ଆରବର ଦମ୍ମାମ ସ୍ଥିତ କିଙ୍ଗ୍ ଫାହଦ୍ ଅନ୍ତର୍ଜାତୀୟ ବିମାନବନ୍ଦର ନିକଟରେ ମଧ୍ୟ ଏକ କ୍ଷେପଣାସ୍ତ୍ର ବା ପ୍ରକ୍ଷେପକ ପଡ଼ିଥିଲା। ଶନିବାର ଦିନ ଜାରି ଏକ ବିବୃତିରେ ସାଉଦି ବେସାମରିକ ବିମ “ଢ’ (ଟ୍ୱିଟର) ରେ ଏକ ବିବୃତ୍ତି ଜାରି କରି କୁୱେତର ବୈଦେଶିକ ମନ୍ତ୍ରଣାଳୟ ଏହି ଆକ୍ରମଣକୁ ଏକ ଘୃଣ୍ୟ ଓ କାପୁରୁଷୋଚିତ ଆକ୍ରମଣ ବୋଲି ବର୍ଣ୍ଣନା କରିଛି। ଇଜିପ୍ଟ, ପାଲେଷ୍ଟାଇନ୍ ଏବଂ କତାର ମଧ୍ୟ ଏହି ଆକ୍ରମଣର ନିନ୍ଦା କରିଛନ୍ତି। ସାଉଦି ଆରବ ଉପରେ ହୋଇଥିବା ସାମ୍ପ୍ରତିକ ଆକ୍ରମଣକୁ ଆମେରିକାର ବୈଦେଶିକ ସଚିବ ମାର୍କୋ ରୁବିଓ ଦୃଢ଼ ନିନ୍ଦା କରିଛନ୍ତି ଏବଂ ଏଥିରେ ଜଣେ ଆମେରିକୀୟ ନାଗରିକଙ୍କ ମୃତ୍ୟୁ ହୋଇଥିବା ନିଶ୍ଚିତ କରିଛନ୍ତି। ସାମ୍ବାଦିକମାନଙ୍କ ସହ କଥାବାର୍ତ୍ତା ବେଳେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସଙ୍କେତ ଦେଇଛନ୍ତି ଯେ ଇରାନ-ସମର୍ôଥତ ହୁତି ବିଦ୍ରୋହୀଙ୍କ ବିରୋଧରେ ଆକ୍ରମଣ କରିବା ପାଇଁ ସେ ସାଉଦି ଆରବ ସହ ଯୋଗ ଦେଇପାରନ୍ତି। ଆମେ ଏହି ସାମ୍ପ୍ରତିକ ଆକ୍ରମଣ ବିଷୟରେ ଏବେ ହିଁ ଜାଣିବାକୁ ପାଇଲୁ, ତେଣୁ ଆମେ ଏକ ନିଷ୍ପତ୍ତି ନେବୁ। ଆମେ ଖୁବ୍ ଶୀଘ୍ର ପଦକ୍ଷେପ ନେଇଥାଉ। ଗୋଟିଏ ମାସ ମଧ୍ୟରେ ଦ୍ୱିତୀୟ ଥର ପାଇଁ, ରିୟାଦର ବିଦ୍ୟାଳୟଗୁଡ଼ିକ ଏହି ସପ୍ତାହ ପାଇଁ ଅନଲାଇନ୍ ଶିକ୍ଷା ବ୍ୟବସ୍ଥାକୁ ସ୍ଥାନାନ୍ତରିତ ହୋଇଛି। ସାଉଦି ଆରବରେ ଥିବା ପାଶ୍ଚାତ୍ୟ ଦେଶଗୁଡ଼ିକର ଦୂତାବାସ ସେମାନଙ୍କ ନାଗରିକମାନଙ୍କୁ ରିୟାଦ ବିମାନବନ୍ଦରରୁ ଦୂରେଇ ରହିବାକୁ ଚେତାବନୀ ଦେଇଛି। ବ୍ରିଟେନର ବୈଦେଶିକ କାର୍ଯ୍ୟାଳୟ ବ୍ରିଟିଶ ନାଗରିକମାନଙ୍କୁ କହିଛି ଯେ ବିମାନବନ୍ଦର ସୁରକ୍ଷିତ ନ ହେବା ପର୍ଯ୍ୟନ୍ତ ସେମାନେ ସେହି ଅଞ୍ଚଳକୁ ଯିବାରୁ ନିବୃତ୍ତ ରୁହନ୍ତୁ। ଆମେରିକୀୟ ଦୂତାବାସ କର୍ମଚାରୀମାନଙ୍କୁ ନିର୍ଦ୍ଦେଶ ଦେଇଛି ଯେ ରିୟାଦ, ଜେଦ୍ଦା ଏବଂ ଦମ୍ମାମ ବିମାନବନ୍ଦର ବ୍ୟବହାର କରିବା ପାଇଁ ସେମାନଙ୍କୁ ସ୍ୱତନ୍ତ୍ର ଅନୁମତି ନେବାକୁ ପଡ଼ିବ। ଅନେକ ଉପସାଗରୀୟ (ଗଲ୍ଫ) ବିମାନ ସେବା ସଂସ୍ଥା ଉକ୍ତ ବିମାନବନ୍ଦରକୁ ଯାତାୟାତ କରୁଥିବା ସେମାନଙ୍କ ବିମାନ ସେବା ବାତିଲ କରିଥିବା କହିଛନ୍ତି; କୁୱେତ ଏୟାରୱେଜ୍ ଏଥିପାଇଁ ସେଠାକାର ସୁରକ୍ଷା ସ୍ଥିତିକୁ ଦାୟୀ କରିଛି। ହୁତି ବିଦ୍ରୋହୀମାନେ କହିଛନ୍ତି ଯେ ୟେମେନର ଘରୋଇ ଯୁଦ୍ଧରେ ସରକାରୀ ସେନାକୁ ସମର୍ଥନ କରୁଥିବାରୁ ସେମାନେ ସାଉଦି ଆରବକୁ ଟାର୍ଗେଟ୍ କରୁଛନ୍ତି। ଏକ ହୁଥିମାନେ ସାଉଦି ଆରବ ବିରୁଦ୍ଧରେ ଏକ ସାମୁଦ୍ରିକ ଅବରୋଧ ଘୋଷଣା କଲେ ଏବଂ ଲୋହିତ ସାଗରରେ ଥିବା ସାଉଦି ବିମାନବନ୍ଦର, ତେଲ ଭିତ୍ତିଭୂମି ଓ ଟ୍ୟାଙ୍କରଗୁଡ଼ିକ ଉପରେ କ୍ଷେପଣାସ୍ତ୍ର ଓ ଡ୍ରୋନ୍ ଆକ୍ରମଣ ଆରମ୍ଭ କଲେ। ସେମାନେ କହିଲେ ଯେ, ସାଉଦି ଆରବ ଦ୍ୱାରା ବର୍ଷ ବର୍ଷ ଧରି ଜାରି ରହିଥିବା ଅବରୋଧ ଏବଂ ୟେମେନର ରାଜଧାନୀ ସାନା (ଯାହା ହୁଥିମାନଙ୍କ ନିୟନ୍ତ୍ରଣରେ ରହିଛି) ସ୍ଥିତ ବିମାନବନ୍ଦର ଉପରେ ହୋଇଥିବା ବାୟୁସେନା ଆକ୍ରମଣର ପ୍ରତିଶୋଧ ସ୍ୱରୂପ ସେମାନେ ଏହି ପଦକ୍ଷେପ ନେଉଛନ୍ତି। ହୁଥି ବିଦ୍ରୋହୀମାନେ ଏକ ଦ୍ରୁତ ଆକ୍ରମଣ ମାଧ୍ୟମରେ ଲୋହିତ ସାଗର ଉପକୂଳର ରଣନୈତିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଅଞ୍ଚଳଗୁଡ଼ିକୁ ନିଜ ଅକ୍ତିଆରକୁ ନେବା ପରେ ଏହି ସଂଘର୍ଷ ଆହୁରି ତୀବ୍ର ହୋଇଥିଲା। ଏଥିରେ “ବାବ୍ ଅଲ୍‌-ମାଣ୍ଡାବ୍‌’ ପ୍ରଣାଳୀରେ ଥିବା “ମୋଖା’ ବନ୍ଦର ମଧ୍ୟ ଅନ୍ତର୍ଭୁକ୍ତ ଥିଲା; ଏହି ପ୍ରଣାଳୀଟି ଲୋହିତ ସାଗରର ସବୁଠାରୁ ସଂକୀର୍ଣ୍ଣ ସ୍ଥାନ ଏବଂ ବିଶ୍ୱ ଜଳପଥ ପରିବହନ ପାଇଁ ଏକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ସ୍ଥାନ (ମଷକ୍ଟଳରକ୍ଟ୍ରକ୍ଟସଦ୍ଭଗ୍ଧ) ଅଟେ। ୟେମେନର ସରକାର-ସମର୍ଥକ ବାହିନୀ ପରେ ଦାବି କରିଥିଲେ ଯେ ସେମାନେ ଲୋହିତ ସାଗରର ଦକ୍ଷିଣ ପ୍ରାନ୍ତରେ ଥିବା ଏହି ପ୍ରଣାଳୀକୁ ସୁରକ୍ଷିତ କରିନେଇଛନ୍ତି।

About the Author

Amruta Dunia Digital Desk

Administrator

Visit Website View All Posts