ନୂଆଦିଲ୍ଲୀ: ତୃଣମୂଳ କଂଗ୍ରେସ (ଟିଏମସି) ଉପରେ ନିୟନ୍ତ୍ରଣକୁ ନେଇ ଦଳର ଦୁଇ ବିରୋଧୀ ଗୋଷ୍ଠୀ ମଧ୍ୟରେ ଚାଲିଥିବା ବିବାଦକୁ ନେଇ ଭାରତର ନିର୍ବାଚନ ଆୟୋଗ (ଇସିଆଇ) ଗୁରୁବାର ଏକ ଅନ୍ତରୀଣ ନିର୍ଦ୍ଦେଶ ଜାରି କରିଛନ୍ତି। ଏହି ନିର୍ଦ୍ଦେଶ ଅନୁଯାୟୀ, ପଶ୍ଚିମବଙ୍ଗର ଦୁଇଟି ବିଧାନସଭା ଆସନ ପାଇଁ ହେବାକୁ ଥିବା ଉପ-ନିର୍ବାଚନରେ ଦଳର ନାମ ଏବଂ ଏହାର ସଂରକ୍ଷିତ ନିର୍ବାଚନ ଚିହ୍ନ “ଫୁଲ ଓ ଘାସ’ର ବ୍ୟବହାର ଉପରେ କଟକଣା ଲଗାଯାଇଛି। ପଶ୍ଚିମବଙ୍ଗର ପୂର୍ବତନ ମୁଖ୍ୟମନ୍ତ୍ରୀ ମମତା ବାନାର୍ଜୀ ଏବଂ ଅରୂପ ରାୟଙ୍କ ନେତୃତ୍ୱାଧୀନ ଉଭୟ ଗୋଷ୍ଠୀଙ୍କୁ ନନ୍ଦିଗ୍ରାମ ଓ ରେଜିନଗର ବିଧାନସଭା ଆସନ ପାଇଁ ହେବାକୁ ଥିବା ଉପ-ନିର୍ବାଚନ ନିମନ୍ତେ ପୃଥକ ନାମ ଓ ନିର୍ବାଚନ ଚିହ୍ନ ବାଛିବାକୁ ନିର୍ଦ୍ଦେଶ ଦିଆଯାଇଛି। ଆୟୋଗ ଉଭୟ ଗୋଷ୍ଠୀଙ୍କୁ “ଅଲ୍ ଇଣ୍ଡିଆ ତୃଣମୂଳ କଂଗ୍ରେସ’ ନାମ ବ୍ୟବହାର କରିବା ଏବଂ ଦଳର ସଂରକ୍ଷିତ “ଫୁଲ ଓ ଘାସ’ ଚିହ୍ନ ବ୍ୟବହାର କରିବା ଉପରେ ରୋକ୍ ଲଗାଇଛନ୍ତି। ନିର୍ବାଚନ ଚିହ୍ନ (ସଂରକ୍ଷଣ ଓ ଆବଣ୍ଟନ) ଆଦେଶ, ୧୯୬୮ର ଧାରା ୧୫ ଅନୁଯାୟୀ ଆୟୋଗ ଚୂଡ଼ାନ୍ତ ନିଷ୍ପତ୍ତି ନେବା ପର୍ଯ୍ୟନ୍ତ ଏହି ବ୍ୟବସ୍ଥା ବଳବତ୍ତର ରହିବ ବୋଲି ଋଉଓ ନିଜ ନିର୍ଦ୍ଦେଶନାମାରେ ଉଲ୍ଲେଖ କରିଛି। ଏହି ନିର୍ଦ୍ଦେଶନାମାର ଏକ ନକଲ ଏହି ଖବରକାଗଜ ପାଖରେ ଉପଲବ୍ଧ ଅଛି।
ଉପ-ନିର୍ବାଚନ ପାଇଁ ନିଜର ପରିଚୟ ସ୍ଥିର କରିବା ଲାଗି ପସନ୍ଦ କ୍ରମରେ ତିନୋଟି ନାମ ସେପ୍ଟେମ୍ବର ୧୮ ତାରିଖ ସକାଳ ୧୧ଟା ସୁଦ୍ଧା ଦାଖଲ କରିବାକୁ ଆୟୋଗ ଉଭୟ ଗୋଷ୍ଠୀଙ୍କୁ ନିର୍ଦ୍ଦେଶ ଦେଇଛନ୍ତି। ପ୍ରତ୍ୟେକ ଗୋଷ୍ଠୀ ଦ୍ୱାରା ପ୍ରସ୍ତାବିତ ତିନୋଟି ନାମ ମଧ୍ୟରୁ ଯେକୌଣସି ଗୋଟିଏ ନାମକୁ ଆୟୋଗ ଅନୁମୋଦନ କରିପାରନ୍ତି ବୋଲି ନିର୍ଦ୍ଦେଶରେ କୁହାଯାଇଛି। ବିରୋଧୀ ଗୋଷ୍ଠୀଗୁଡ଼ିକୁ ମଧ୍ୟ ପସନ୍ଦ କ୍ରମରେ ତିନୋଟି “ମୁକ୍ତ ଚିହ୍ନ’ ଚିହ୍ନଟ କରିବାକୁ ନି ତଥାପି, କମିଶନ ଲକ୍ଷ୍ୟ କରିଥିଲେ ଯେ ଚାଲିଥିବା ଉପ-ନିର୍ବାଚନ ପୂର୍ବରୁ ଥିବା ସୀମିତ ସମୟ ମଧ୍ୟରେ ସମସ୍ତ ପ୍ରକ୍ରିୟା ସମ୍ପୂର୍ଣ୍ଣ କରିବା ସମ୍ଭବ ନୁହେଁ। ତେଣୁ, ଏକ ଚୂଡ଼ାନ୍ତ ନିଷ୍ପତ୍ତି ନିଆଯିବା ପର୍ଯ୍ୟନ୍ତ ବିରୋଧୀ ଗୋଷ୍ଠୀଗୁଡ଼ିକୁ ସମାନ ସ୍ଥିତିରେ ରଖିବା ଏବଂ ସେମାନଙ୍କ ଅଧିକାର ଓ ସ୍ୱାର୍ଥର ସୁରକ୍ଷା ସୁନିଶ୍ଚିତ କରିବା ପାଇଁ କମିଶନ ଏକ ଅନ୍ତରୀଣ ନିର୍ଦ୍ଦେଶ ଜାରି କରିବାକୁ ନିଷ୍ପତ୍ତି ନେଇଥିଲେ। “ଅଲ୍ ଇଣ୍ଡିଆ ତୃଣମୂଳ କଂଗ୍ରେସ’ର ସାଙ୍ଗଠନିକ ଢାଞ୍ଚା, ଅଧିକୃତ ପ୍ରତିନିଧି, ଦଳର ନାମ ଏବଂ ନିର୍ବାଚନୀ ଚିହ୍ନକୁ ନେଇ ଉଭୟ ପକ୍ଷର ପରସ୍ପର ବିରୋଧୀ ଦାବି ମଧ୍ୟରେ କମିଶନଙ୍କ ଏହି ପଦକ୍ଷେପ ସାମ୍ନାକୁ ଆସିଛି। ନିର୍ବାଚନ କମିଶନ ଚଳିତ ମାସ ଆରମ୍ଭରେ ଏହି ବିରୋଧୀ ଦାବିଗୁଡ଼ିକର ଶୁଣାଣି ଆରମ୍ଭ କରିଥିଲେ ଏବଂ ଉଭୟ ପକ୍ଷ ନିଜ ନିଜ ସ୍ଥିତି ସପକ୍ଷରେ ଆବଶ୍ୟକୀୟ ଦସ୍ତାବିଜ ଦାଖଲ କରିଥିଲେ।
About the Author
