ଅହମ୍ମଦାବାଦ: ଅହମ୍ମଦାବାଦ ଜିଲ୍ଲା ରାଜପୁରା ଗ୍ରାମରେ ଏକ ଧାର୍ମିକ କାର୍ଯ୍ୟକ୍ରମରେ ସ୍ଥାନୀୟ ଖାଦ୍ୟ ଖାଇ ୯୬ ଜଣ ଅସୁସ୍ଥ ହୋଇପଡ଼ିଛନ୍ତି। ଜିଲ୍ଲା ମହାମାରୀ ଚିକିତ୍ସା ଅଧିକାରୀ ଡାକ୍ତର ଚିନ୍ତନ ଦେଶାଇ କହିଛନ୍ତି ଯେ ବିଷକ୍ରିୟା ଯୋଗୁଁ ଏପରି ଘଟଣା ଘଟିଛି। ବୁଧବାର ରାତିରେ ଧାର୍ମିକ କାର୍ଯ୍ୟକ୍ରମରେ ସେବ-ଖମାନି (ଗୁଜୁରାଟୀ ଖାଦ୍ୟ) ଖାଇ ଅସୁସ୍ଥ ହୋଇପଡ଼ିବାରୁ ଗୁରୁବାର ଭୋର ସମୟରେ ସେମାନଙ୍କୁ ଡାକ୍ତରଖାନାକୁ ନିଆଯାଇଥିଲା। ସେ କହିଛନ୍ତି ଯେ ପ୍ରଭାବିତଙ୍କ ମଧ୍ୟରୁ ୩୮ ଜଣଙ୍କୁ ଏବେ ବି ଡାକ୍ତରଖାନାରେ ଭର୍ତ୍ତି କରାଯାଇଛି, ଅନ୍ୟମାନଙ୍କୁ ଚିକିତ୍ସା ପରେ ଛାଡ଼ି ଦିଆଯାଇଛି। ଡାକ୍ତରଖାନାରେ ଭର୍ତ୍ତି ହୋଇଥିବା ସମସ୍ତ ଲୋକଙ୍କ ଅବସ୍ଥା ସ୍ଥିର ଅଛି ବୋଲି ଦେଶାଇ ସୂଚନା ଦେଇଛନ୍ତି। ଭୋର ସମୟରେ ବାନ୍ତି, ପେଟ ଯନ୍ତ୍ରଣା ଏବଂ ଝାଡ଼ା ଭଳି ଘଟଣା ରିପୋର୍ଟ ହେବା ପରେ ସ୍ୱାସ୍ଥ୍ୟ ବିଭାଗର ଏକ ଦଳ ଗାଁକୁ ଯାଇଥିଲା। ଡାକ୍ତରଖାନାକୁ ନିଆଯାଇଥିବା ୯୬ ଜଣଙ୍କ ବ୍ୟତୀତ ଖାଦ୍ୟ ଖାଇଥିବା ୨୧୪ ଜଣ ଅନ୍ୟ ଗ୍ରାମବାସୀଙ୍କୁ ପ୍ରତିରୋଧମୂଳକ ଚିକିତ୍ସା ଦିଆଯାଇଥିଲା। ଘଟଣା ବିଷୟରେ ପୋଲିସ ଏବଂ ଖାଦ୍ୟ ସୁରକ୍ଷା କର୍ତ୍ତୃପକ୍ଷଙ୍କୁ ସୂଚନା ଦିଆଯାଇଥିଲା। ଅଧିକାରୀ ଆହୁରି ମଧ୍ୟ କହିଛନ୍ତି ଯେ ସନ୍ଦେହଜନକ ଖାଦ୍ୟ ବିଷାକ୍ତତାର କାରଣ ନିର୍ଣ୍ଣୟ କରିବା ପାଇଁ ଏକ ଦଳ ଖାଦ୍ୟ ଏବଂ ପାଣି ନମୁନା ନେଇଛି
About the Author
