ନୂଆଦିଲ୍ଲୀ: ଆଇପିଏଲ ଫ୍ରାଞ୍ଚାଇଜ୍ ରାଜସ୍ଥାନ ରୟାଲ୍ସକୁ ୧.୬୩ ବିଲିୟନ ଆମେରିକୀୟ ଡଲାରରେ ଅଧିଗ୍ରହଣ କରିଛନ୍ତି ଆମେରିକୀୟ ବ୍ୟବସାୟୀ କାଲ ସୋମାନି। ଭାରତୀୟ ମୂଲ୍ୟରେ ଏହା ପ୍ରାୟ ୧୫,୩୦୦ କୋଟି ଟଙ୍କା ହେବ। ଏହି ଅର୍ଥ ଆଗୁଆ ଦେବାକୁ ପଡ଼ିବ ବୋଲି ଜଣାପଡ଼ିଛି। ସୋମାନିଙ୍କୁ ୱାଲମାର୍ଟ ପରିବାର ଏବଂ ହାମ୍ପ୍ ପରିବାରର ଆମେରିକୀୟ ବ୍ୟବସାୟୀ ରବ ୱାଲ୍ଟନ ସମର୍ଥନ କରିଛନ୍ତି। ଏହି ବିକ୍ରୟ ଆଗାମୀ ଆଇପିଏଲ ୨୦୨୬ ସିଜିନ୍ ପରେ କାର୍ଯ୍ୟକାରୀ ହେବ। ଆଇପିଏଲ ଇତିହାସରେ ଏହା ସବୁଠାରୁ ବଡ଼ ଚୁକ୍ତି। ଗତ ବର୍ଷ ଟୋରେଣ୍ଟ ଗ୍ରୁପ୍ ପ୍ରାୟ ୫,୦୨୫ କୋଟିରେ ସିଭିସି କ୍ୟାପିଟାଲ୍ ପାର୍ଟନର୍ସଙ୍କଠାରୁ ଗୁଜରାଟ ଟାଇଟାନ୍ସର ୬୭% ସଂଖ୍ୟାଗରିଷ୍ଠ ଅଂଶଧନ ଅଧିଗ୍ରହଣ କରିଥିଲା। ଯାହା ଫ୍ରାଞ୍ଚାଇଜ୍ର ମୂଲ୍ୟ ପ୍ରାୟ ୭,୫୦୦ କୋଟି ଥିଲା। ୨୦୨୧ ମସିହାରେ ୫,୬୨୫ କୋଟି ଟଙ୍କାରେ ଦଳର ପ୍ରାରମ୍ଭିକ ଅଧିଗ୍ରହଣ ପରେ ସିଭିସି କ୍ୟାପିଟାଲ୍ ୩୩% ଅଂଶଧନ ବଜାୟ ରଖିଥିଲା। ମନିକଣ୍ଟ୍ରୋଲ୍ ସମ୍ପ୍ରତି ରିପୋର୍ଟ କରିଛି ଯେ ରାଜସ୍ଥାନ ରୟାଲ୍ସରେ ସଂଖ୍ୟାଗରିଷ୍ଠ ଅଂଶଧନ ହାସଲ କରିବା ପାଇଁ ସୋମାନୀଙ୍କ ସଂଘ ଆଗୁଆ ଥିଲା। ଫ୍ରାଞ୍ଚାଇଜ୍ର ସଂଖ୍ୟାଗରିଷ୍ଠ ମାଲିକାନା ମନୋଜ ବାଡାଲେଙ୍କ ପାଖରେ ଏମର୍ଜିଂ ମିଡିଆ ଭେଞ୍ଚର୍ସ ମାଧ୍ୟମରେ ଥିଲା, ଯାହା ପ୍ରାୟ ୬୫ ପ୍ରତିଶତ ଅଂଶଧନ କରିଥିଲା। ଅନ୍ୟାନ୍ୟ ଅଂଶଧନକାରୀଙ୍କ ମଧ୍ୟରେ ରେଡବର୍ଡ କ୍ୟାପିଟାଲ୍ ପାର୍ଟନର୍ସ ଏବଂ ଲାଚଲାନ୍ ମର୍ଡୋକ୍ ଅନ୍ତର୍ଭୁକ୍ତ। ଗତବର୍ଷ ଶେଷ ଭାଗରେ ଅଂଶଧନ ବିକ୍ରୟ ପ୍ରକ୍ରିୟା ଆରମ୍ଭ ହୋଇଥିଲା। ନିବେଶ ବ୍ୟାଙ୍କ ଦି ରେନ୍ ଗ୍ରୁପ୍ ପରାମର୍ଶଦାତା ଭାବରେ କାର୍ଯ୍ୟ କରୁଥିଲେ।
About the Author
