ବାଲିଗୁଡା: କନ୍ଧମାଳ ଜିଲ୍ଲା କୋଟଗଡ ବ୍ଲକ ଅନ୍ତର୍ଗତ କଲୋନୀ ସାହି ନିକଟରେ ବାଘର ଗର୍ଜନ ଶୁଣିବା ସହିତ ସକାଳେ ପାଦ ଚି଼ହ୍ନ ଲୋକେ ଦେଖିବାକୁ ମିଳିଛି।ନବଜ୍ୟୋତି ହଷ୍ଟେଲର ରହୁଥିବା ଛାତ୍ର ମାନେ ରାତ୍ର ୧୦ ଘଂଟିକା ସମୟରେ ରେ ବାଘରଗର୍ଜନ ଶବ୍ଦ ଶୁଣି ଭୟଭିତ ହେଇଛନ୍ତି। ବାଘ ଟି ହଷ୍ଟେଲ ଆଡୁ ଆସି ପାଚେରୀ ଉପରେ ଲମ୍ଫ ଦେଇ ଭିତରକୁ ଯାଇଛି ବୋଲି ଛାତ୍ର ଏବଂ ଗ୍ରାମବାସୀ ମାନେ ପ୍ରକାଶ କରିଛନ୍ତି।ହଷ୍ଟେଲ ପଛପଟୁ ବାଘ ର ପାଦ ଚି଼ହ୍ନ ସବୁ ରହିଛି।ଗ୍ରାମବାସୀ ଓ ଛାତ୍ର କହିବା ପ୍ରକାରେ ରାତ୍ର ୧୦ ଘଂଟିକାରେ ମାଙ୍କଡ଼ ମାନେ ଚିଲେଇବା ଓ କୁକୁର ମଧ୍ୟ ବହୁ ପରିମାଣରେ ଭୋକିଛନ୍ତି। ବାଘର ଶବ୍ଦ ମଧ୍ୟ ଲୋକେ ଶୁଣି ଥିବା କହିଛନ୍ତି ।ଯାହା ଫଳରେ ଗ୍ରାମବାସୀ ମାନେ ଭୟଭିତ ହୋଇଛନ୍ତି ଏବଂ ହଷ୍ଟେଲ ପାଚେରୀ ସେପଟେ ନାଳ କୁ ଲୋକେ ଗାଧେଇବା ପାଇଁ ଯାନ୍ତି। ବାଘର ପାଦ ଚି଼ହ୍ନ ଦେଖି ଲୋକେ ବହୁତ ଭୟଭିତ ହେଇଥାନ୍ତି।କୋଟଗଡ ରେଞ୍ଜର ୍ୱାଳଗୋପାଳ ବେହେରା ଙ୍କୁ ଲୋକେ ଖବର ଦେବା ପରେ ସଙ୍ଗେ ସଙ୍ଗେ ବନ ବିଭାଗର ଫରେଷ୍ଟର ଓ ତାଙ୍କର ସ୍ୱତନ୍ତ୍ର ଟିମ କୁ ଡାକି ଘଟଣା ସ୍ଥଳରେ ପହଂଚି ବାଘର ଗତିବିଧି ଓ ପାଦ ଚି଼ହ୍ନ ଦେଖି ସ୍ୱତନ୍ତ୍ର କ୍ୟାମେରା ଲଗାଇବାକୁ ନିର୍ଦେଶ ଦେଇଥିଲେ। ଏବଂ କଲୋନୀ ସାହି, ହୋତା କଲୋନୀ , ଆମ୍ବେଦକର କଲୋନୀ , ନବଜ୍ୟୋତି ହଷ୍ଟେଲ ର ସମସ୍ତ ଲୋକଙ୍କୁ ସତେଚନା କରିଥିଲେ, ଯେ ରାତ୍ର ସମୟରେ ଘରୁ ଏକା ହୋଇ ନ ବାହାରି ଗ୍ରୁପ ହୋଇ ବାହାରିବା ଏବଂ ସନ୍ଧ୍ୟା ସମୟରେ ବାହାରେ ବୁଲା ବୁଲି ପାଇଁ ବାରଣ କରାଯାଇଛି । ଆମେ କ୍ୟାମେରା ଲଗାଇଛୁ ବାଘର ଗତିବିଧି ଉପରେ ନଜର ରଖାଯାଉଛି । ପ୍ରକୃତ ରେ ଯେଉଁ ପଶୁ ଗର୍ଜନ କରୁଛି ତାହା ବାଘ ଅନ୍ୟ କୌଣସି ପଶୁ ଜନ୍ତୁ ତାହା ଜଣା ପଡିବ ଏବଂ ଯଦି ବାଘ ହୋଇ ଥାଏ ତାହେଲେ ଯଥା ଶୀଘ୍ର ବାଘକୁ ଧରାଯିବ ବୋଲି ବନ ବିଭାଗ ସୂଚନା ଦେଇଛି ।
About the Author
