ହାଇଦ୍ରାବାଦ : ଆଇପିଏଲ ୨୦୨୬ର କିଛି ପ୍ରାରମ୍ଭିକ ମ୍ୟାଚ୍ରେ ଈଶାନ କିଶନଙ୍କୁ ଦଳର ଅଧିନାୟକ ଭାବେ ନିଯୁକ୍ତ କରାଯାଇଛି। ସେହିପରି ଓପନର ଅଭିଷେକ ଶର୍ମାଙ୍କୁ ଟିମର ଉପ ଅଧିନାୟିକ ଦାୟିତ୍ୱ ଦିଆଯାଇଛି। ଦଳର ନିୟମିତ ଅଧିନାୟକ ପାଟ କମିନ୍ସ ଏବେ ବି ପିଠି ଜନିତ ଆହତ ସମସ୍ୟାରୁ ମୁକୁଳି ନାହାନ୍ତି। ଏଥିପାଇଁ ସେ ଟି-୨୦ ବିଶ୍ୱକପ ମଧ୍ୟ ଖେଳି ନଥିଲେ। ସେ ସୁସ୍ଥ ହେବା ଯାଏ ହାଇଦ୍ରାବାଦର କମାଣ ଈଶାନଙ୍କ ହାତରେ ରହିବ ବୋଲି ପ୍ରାଞ୍ଚାଇଜ ପକ୍ଷରୁ ବିଧିବଦ୍ଧ ଭାବେ ଆଜି ଘୋଷଣା କରାଯାଇଛି। ଟି-୨୦ ବିଶ୍ୱକପରେ ଭାରତ ପାଇଁ ଦମଦାର ପ୍ରଦର୍ଶନ କରିଥିଲେ ଈଶାନ। ସେ ୧୯୩ ଷ୍ଟ୍ରାଇକ ରେଟରେ ୩୧୭ ରନ କରିଥିଲେ। ଏହାପୂର୍ବରୁ ତାଙ୍କ ନେତୃତ୍ୱରେ ଝାରଖଣ୍ଡ ସୟିଦ ମୁସ୍ତାକ ଅଲୀ ଟ୍ରଫି ମଧ୍ୟଜିତିଥିଲା। ଏବେ ଈଶାନ ଜବରଦସ୍ତ ଫର୍ମରେ ଥିବାରୁ କମିନ୍ସଙ୍କ ଅନୁପସ୍ଥିତରେ ସେ ହାଇଦ୍ରାବାଦର କ୍ୟାପ୍େଟନ୍ସି ସମ୍ଭାଳିବେ। ତେବେ କମିନ୍ସ ଆଇପିଏଲର କେତୋଟି ମ୍ୟାଚ୍ରେ ଉପଲବ୍ଧ ରହିବେ ନାହିଁ, ସେକଥା ସ୍ପଷ୍ଟ ହୋଇନି। କିନ୍ତୁ ଅଷ୍ଟ୍ରେଲିଆର ଦଳରଅଧିନାୟକ କମିନ୍ସ ମାର୍ଚ୍ଚ ୨୩ରେ ଆରମ୍ଭ ହେଉଥିବା ହାଇଦ୍ରାବାଦ କ୍ୟାମ୍ପରେ ଯୋଗଦେବେ। ସେ ହାଇଦ୍ରାବାଦ ଟିମ ସହ ରହି ରିହ୍ୟାବ କରିବେ। ହାଇଦ୍ରାବାଦ ପ୍ରଥମ ମ୍ୟାଚ୍ ୨୮ରେ ଖେଳିବାକୁ ଥିବା ବେଳେ ଦ୍ୱିତୀୟ ମ୍ୟାଚ୍ ଏପ୍ରିଲ ୨ରେ କେକେଆରବିପକ୍ଷରେ ଖେଳିବ। ଏପ୍ରିଲ ୫ରେ ଦଳ ନିଜ ହୋମ ଗ୍ରାଉଣ୍ଡରେ ଲକ୍ଷ୍ନୌ ସୁପର ଜାଏଣ୍ଟସ୍କୁଭେଟିବ। ୩୨ ବର୍ଷୀୟ କମିନ୍ସ ଡିସେମ୍ବର ମାସରୁ କ୍ରିକେଟରୁ ଦୂରେଇ ରହିଛନ୍ତି। ଆଶେସ ଟେଷ୍ଟର ପ୍ରଥମ ମ୍ୟାଚ୍ ପରଠାରୁ ଆଉ ସେ ଖେଳି ନାହାନ୍ତି। ହେଲେ ଆଇପିଏଲ ଜରିଆରେ ସେ କମବ୍ୟାକ କରିବେ ବୋଲି ଜଣାପଡ଼ିଛି।କମିନ୍ସ ଏଯାଏ ହାଇଦ୍ରାବାଦର ନେତୃତ୍ୱ ୩୦ଟି ମ୍ୟାଚ୍ରେ ନେଇଥିବା ବେଳେ ଦଳ ୧୫ଟି ଜିତିଛି ଓ ୧୪ଟି ହାରିଛି। ଗୋଟିଏ ମ୍ୟାଚର ରେଜଲ୍ଟ ବାହାରି ପାରି ନଥିଲା।୨୦୨୪ରେ କମିନ୍ସଙ୍କ ନେତୃତ୍ୱରେ ହାଇଦ୍ରାବାଦ ଆଇପିଏଲ ଫାଇନାଲ ଖେଳିଥିଲା। ହେଲେ ଦଳକୁ କୋଲକାତା ଠାରୁ ହାରିବାକୁ ପଡ଼ିଥିଲା। ୨୦୨୫ରେ ଦଳ ପଏଣ୍ଟ ଟେବୁଲର ୬ଷ୍ଠ ସ୍ଥାନରେ ରହିଥିଲା।
About the Author
