ନୂଆଦିଲୀ: ଇରାନର ଆର୍ôଥକ ମେରୁଦଣ୍ଡ ଭାବେ ପରିଚିତ ଖାର୍ଗ ଦ୍ୱୀପରେ ଆମେରିକା ବୋମା ମାଡ଼ କରିଥିବା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିବା ପରେ ରକ୍ତମୁଖା ହୋଇ ଉଠିଛି ତେହରାନ। ଆଜି ଇରାନ ପକ୍ଷରୁ ଗଲ୍ଫ ଦେଶରେ ଥିବା ଆମେରିକାର ବେସ୍ ଓ ପ୍ରତିଷ୍ଠାନ ଉପରେ ଆକ୍ରମଣକୁ ଜୋରଦାର କରାଯାଇଛି।ଇରାନର ଘନଘନ ଆକ୍ରମଣ ଯୋଗୁ ଦୁବାଇରେ ଏକାଧିକ ବିସ୍ଫୋରଣ ହୋଇଛି। ସେହିପରି ଇରାକରେ ଥିବା ଆମେରିକା ଦୂତାବାସରେ ମିସାଇଲ ମାଡ଼ ହୋଇଛି। ଏଥିସହ ଆଉ କିଛି ସ୍ଥାନରେ ଥିବା ଆମେରିକୀୟ ଏୟାରବେସ୍ ଓ ଅନ୍ୟ ପ୍ରତିଷ୍ଠାନକୁ ମଧ୍ୟ ଇରାନ ଟାର୍ଗେଟ କରିଥିବା ଜଣାପଡ଼ିଛି। ଦୁବାଇର ଆର୍ôଥକ ପେଣ୍ଠସ୍ଥଳରେ ଥିବା ଗୋଟିଏ ବିଲଡିଂ ଇରାନ ହମଲାରେ କ୍ଷତିଗ୍ରସ୍ତ ହୋଇଛି। ଗତ ୨୪ଘଣ୍ଟା ରେ ଦୁବାଇରେ ଏହା ଦ୍ୱିତୀୟ ଆକ୍ରମଣ। ସ୍ଥାନୀୟ ଅଧିକାରୀଙ୍କ କହିବା କଥା ଯେ କେନ୍ଦ୍ରୀୟ ଦୁବାଇକୁ କେନ୍ଦ୍ର କରି ମାଡ଼ କରାଯାଇଥିବା ମିସାଇଲ ଓ ଡ୍ରୋନକୁ ଆକାଶ ପଥରେ ଚିହ୍ନଟ କରି ଧ୍ୱଂସ କରାଯାଇଛି। ଏହାର ଧ୍ୱଂସାବଶେଷ ଗୋଟିଏ ବିଲଡିଂ ଉପରେ ପଡ଼ିବାରୁ ଏହା କ୍ଷତିଗ୍ରସ୍ତ ହୋଇଛି। କିନ୍ତୁ ଏଥିରେ କୌଣସି ସ୍ଥାନରେ ନିଆଁ ଲାଗିନାହିଁ କିମ୍ବା କେହି ବି ଆହତ ହୋଇନାହାନ୍ତି। ଅଧିକାରୀମାନେ ପୂରା ଆଲର୍ଟରେ ରହିଥିବା ଦୁବାଇ ପ୍ରଶାସନ କହିଛି।ଦେଶରେ ଗ୍ୟାସ୍ ଅଭାବକୁ ନେଇ ଗୁଜବ ଭିତରେ ପେଟ୍ରୋଲିୟମ୍ ମନ୍ତ୍ରଣାଳୟ ପକ୍ଷରୁ ଆସିଛି ଆଶ୍ୱସ୍ତିଜନକ ଖବର। ସରକାର ସ୍ପଷ୍ଟ କରିଛନ୍ତି ଯେ,ଦେଶରେ ପେଟ୍ରୋଲ,ଡିଜେଲ ଓ ରୋଷେଇ ଗ୍ୟାସ୍ ପର୍ଯ୍ୟାପ୍ତ ପରିମାଣରେ ଷ୍ଟକ୍ ରହିଛି,ଭୟଭୀତ ହେବା ଦରକାର ନାହିଁ। ଏହି ସମୟରେ, ସବୁଠାରୁ ବଡ଼ କଥା ହେଉଛି ଏଲପିଜି ନେଇ ଆସୁଥିବା ଦୁଇଟି ଭାରତୀୟ ଜାହାଜ ସୁରକ୍ଷିତ ଭାବରେ ଭାରତ ଅଭିମୁଖେ ଯାତ୍ରା କରୁଛନ୍ତି। ବନ୍ଦର, ଜାହାଜ ଚଳାଚଳ ଏବଂ ଜଳପଥ ମନ୍ତ୍ରଣାଳୟର ସ୍ୱତନ୍ତ୍ର ସଚିବ ରାଜେଶ କେ. ସିହ୍ନା କହିଛନ୍ତି ଯେ ପାରସ୍ୟ ଉପସାଗରରେ ଥିବା ସମସ୍ତ ଭାରତୀୟ ନାବିକ ସୁରକ୍ଷିତ ଅଛନ୍ତି। ଦୁଇଟି ଭାରତୀୟ ଜାହାଜ, ‘ଶିବାଲିକ୍‘ ଏବଂ ‘ନନ୍ଦା ଦେବୀ’, ଏଲପିଜିର ବଡ଼ କଣ୍ଟେନରନେଇ ଭାରତ ଅଭିମୁଖେ ଆସୁଛନ୍ତି। ଏହି ଜାହାଜଗୁଡ଼ିକ ମାର୍ଚ୍ଚ ୧୫୬-୧୭ ସୁଦ୍ଧା ମୁନ୍ଦ୍ରା ଏବଂ କାଣ୍ଡଲା ବନ୍ଦରରେ ପହଞ୍ଚିବ। ବନ୍ଦରଗୁଡ଼ିକୁ ଗ୍ୟାସ ବହନ କରୁଥିବା ଜାହାଜଗୁଡ଼ିକୁ ପ୍ରାଥମିକତା ଦିଆଯାଉଛି ଏବଂ ସରକାର ଇରାନ ଏବଂ ଆମେରିକା ଭଳି ଦେଶ ସହିତ ନିରନ୍ତର ଯୋଗାଯୋଗରେ ଅଛନ୍ତି। ପଶ୍ଚିମ ଏସିଆର ସାମ୍ପ୍ରତିକ ପରିସ୍ଥିତିକୁ ଦୃଷ୍ଟିରେ ରଖି, କେନ୍ଦ୍ର ସରକାରଙ୍କ ଅନେକ ମନ୍ତ୍ରଣାଳୟ ଜନସାଧାରଣଙ୍କୁ ଆଶ୍ୱସ୍ତି ପ୍ରଦାନ କରିବା ପାଇଁ ଏକାଠି ହୋଇଛନ୍ତି। ପେଟ୍ରୋଲିୟମ୍ ମନ୍ତ୍ରଣାଳୟର ଯୁଗ୍ମ ସଚିବ ସୁଜାତା ଶର୍ମା ସ୍ପଷ୍ଟ କରିଛନ୍ତି ଯେ ଦେଶର ତୈଳ ବିଶୋଧନାଗାରଗୁଡ଼ିକ ପୂର୍ଣ୍ଣ କ୍ଷମତାରେ କାର୍ଯ୍ୟ କରୁଛି। ସରକାର ଲୋକଙ୍କୁ ଗୁଜବର ଶିକାର ନ ହେବାକୁ ଏବଂ ଭୟରେ ଗ୍ୟାସ ସିଲିଣ୍ଡରର ପ୍ରି-ବୁକିଂ ଏଡାଇବାକୁ ନିବେଦନ କରିଛନ୍ତି। ଏହି ସମୟରେ, ସବୁଠାରୁ ବଡ଼ ଆଶ୍ୱସ୍ତି ହେଉଛି ଦୁଇଟି ଭାରତୀୟ ଜାହାଜ ସୁରକ୍ଷିତ ଭାବରେ ଭାରତଅଭିମୁଖେ ଆସୁଥିବା ଖବର। ସରକାର ଜନସାଧାରଣଙ୍କୁ ଗୁଜବର ଶିକାର ନ ହେବାକୁ ଏବଂ ଗ୍ୟାସ ସିଲିଣ୍ଡର ବୁକିଂ କରିବା ସମୟରେ ଭୟଭୀତ ନ ହେବାକୁ ନିବେଦନ କରିଛନ୍ତି। ସରକାର ସାଧାରଣ ଲୋକଙ୍କୁ କୌଣସି ଭ୍ରାମକ ସୂଚନାର ଶିକାର ନ ହେବାକୁ କିମ୍ବା ଭୟଭୀତ ନ ହେବାକୁ ଏବଂ ପୂର୍ବରୁ ଗ୍ୟାସ ସିଲିଣ୍ଡର ବୁକ୍ କରିବାକୁ ବିଶେଷ ଭାବରେ ନିବେଦନ କରିଛନ୍ତି। ତଥ୍ୟ ଅନୁଯାୟୀ, ୧୩ ମାର୍ଚ୍ଚରେ ଗୋଟିଏ ଦିନରେ ରେକର୍ଡ ୮୮.୮ ଲକ୍ଷ ଗ୍ୟାସ ସିଲିଣ୍ଡର ବୁକ୍ ହୋଇଥିଲା, ଯାହା ଆବଶ୍ୟକ ସଂଖ୍ୟାଠାରୁ ବହୁତ ଅଧିକ। ଏହି ପାନିକ୍ ବୁକିଂକୁ ରୋକିବା ପାଇଁ, ସରକାର ନିୟମ ପରିବର୍ତ୍ତନ କରିଛନ୍ତି। ଏବେ ସହରରେ ୨୫ ଦିନ ଏବଂ ଗ୍ରାମାଞ୍ଚଳରେ ୪୫ ଦିନ ପୂର୍ବରୁ ଦ୍ୱିତୀୟ ସିଲିଣ୍ଡର ବୁକ୍ କରିପାରିବେ ନାହିଁ। ଏହା ସହିତ, ୨୯ଟି ରାଜ୍ୟରେ ବାଣିଜ୍ୟିକ ସିଲିଣ୍ଡର ଯୋଗାଣ ମଧ୍ୟ ପୁନଃ ଆରମ୍ଭ ହୋଇଛି। ଗ୍ୟାସ୍ ଜମାଖୋରି ଓ କଳାବଜାରି ରୋକିବା ପାଇଁ ୟୁପି,ବିହାର,ମହାରାଷ୍ଟ୍ର ଓ ଓଡିଶା ଭଳି ରାଜ୍ୟରେ ହଠାତ୍ ଚଢାଉ କରାଯାଉଛି। ସରାର ସ୍ପଷ୍ଟ କରିଛନ୍ତି ଯେ, ଏଜେନ୍ସି ନିକଟରେ ଭିଡ ଜମାନ୍ତୁ ନାହିଁ। ଅନଲାଇନ୍ ବୁକିଂ କରନ୍ତୁ, ସିଲିଣ୍ଡର ଘର ପର୍ଯ୍ୟନ୍ତ ପହଁଞ୍ଚିଯିବ। ସେଭଳି ଦିଲ୍ଲୀ-ଏନସିଆରରେ ପ୍ରଦୂଷଣ ନିୟନ୍ତ୍ରଣ ବୋର୍ଡ ମାସକ ପାଇଁ କାଠ ଓ ବାୟୋମାସ୍ ବ୍ୟବହାର କରିବାକୁ ଅସ୍ଥାୟୀ ମଞ୍ଜୁରୀ ଦେଇଛନ୍ତି। ସେହିପରି ଆମେରିକା, ଇସ୍ରାଏଲ ଏବଂ ଇରାନ ମଧ୍ୟରେ ଚାଲିଥିବା ସାମରିକ ସଂଘର୍ଷ ତୃତୀୟ ସପ୍ତାହରେ ପ୍ରବେଶ କରିଛି। ଏହା ସହ ମଧ୍ୟପ୍ରାଚ୍ୟରେ ଉତ୍ତେଜନା ବୃଦ୍ଧି ପାଇବାରେ ଲାଗିଛି। ଏହି ସମୟରେ, ଶନିବାର ଇରାକର ରାଜଧାନୀ ବାଗଦାଦରେ ଥିବା ଆମେରିକୀୟ ଦୂତାବାସ ପରିସରରେ ଏକ ହେଲିପ୍ୟାଡ ଉପରେ ମିସାଇଲ୍ ଇରାନର ମିସାଇଲ ମାଡ଼। ଏହି ଘଟଣା ପରେ, ଦୂତାବାସ ପରିସରରୁ ମୋଟା ଆସ୍ତରଣର କଳା ଧୂଆଁର ଉଠୁଥିବାର ଦେଖାଯାଇଥିଲା। ଆସୋସିଏଟେଡ୍ ପ୍ରେସର ରିପୋର୍ଟ ଅନୁଯାୟୀ, ବାଗଦାଦରେ ଥିବା ଆମେରିକୀୟ ଦୂତାବାସର ଧୂଆଁରେ ପରିପୂର୍ଣ୍ଣ ହୋଇଥିବା ବେଳେ ୟୁଏଇର ଫୁଜୈରାହ ବନ୍ଦର ନିକଟରେ ଥିବା ଏକ ତୈଳ ଭଣ୍ଡାର ଉପରେ ଆକ୍ରମଣ ପରେ ମଧ୍ୟ ନିଆଁ ଲାଗିଯାଇଥିଲା। ଅଧିକାରୀଙ୍କ କହିବା ଅନୁସାରେ, ଆମେରିକା ଦ୍ୱାରା ଇଣ୍ଟରେ ସେପଣ୍ଟକରିବା ବେଳେ ଏକ ଇରାନୀ ଡ୍ରୋନ୍ ରୁ ଭଗ୍ନାବଶେଷ ପଡ଼ିବା ଯୋଗୁଁ ଅଗ୍ନିକାଣ୍ଡ ଘଟିଥିଲା। ଏହା ବିଶ୍ୱର ପ୍ରମୁଖ ତୈଳ ରପ୍ତାନି କେନ୍ଦ୍ର ମଧ୍ୟରୁ ଗୋଟିଏ ଏବଂ ଏହି ଅଞ୍ଚଳରେ ଯେକୌଣସି ସାମରିକ କାର୍ଯ୍ୟକଳାପ ବିଶ୍ୱ ଶକ୍ତି ବଜାରକୁ ପ୍ରଭାବିତ କରିପାରେ।
About the Author
