ଶ୍ରୀନଗର: ଜାମ୍ମୁରେ ଏକ ବିବାହ କାର୍ଯ୍ୟକ୍ରମରେ ଶାସକ ନ୍ୟାସନାଲ କନଫରେନ୍ସ ସଭାପତି ଏବଂ ଜମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କୁ ହତ୍ୟା ପାଇଁ ଉଦ୍ୟମ କରିଥିବା ଅଭିଯୁକ୍ତ କହିଛି ଯେ, ସେ ସେ ଗତ ୨୦ ବର୍ଷ ଧରି ଅବଦୁଲ୍ଲାଙ୍କୁ ହତ୍ୟା କରିବାକୁ ଚାହୁଁଥିଲା। ଅଭିଯୁକ୍ତ ଜଣକ ଜମ୍ମୁର ପୁରୁଣା ମଣ୍ଡିର ୬୩ ବର୍ଷୀୟ କମଲ ସିଂହ ଜାମୱାଲ ବୋଲି ଚିହ୍ନଟ ହୋଇଛି। ବୁଧବାର ସନ୍ଧ୍ୟାରେ ଜମ୍ମୁର ଗ୍ରେଟର କୈଳାସରେ ଥିବା ରୟାଲ ପାର୍କରେ ଏକ ଦଳୀୟ ନେତାଙ୍କ ପୁଅର ବିବାହ ସମାରୋହରୁ ବାହାରକୁ ଯାଉଥିବା ସମୟରେ ଫାରୁକ ଅବଦୁଲ୍ଲାଙ୍କ ଉପରେ ଅତି ନିକଟରୁ ଗୁଳି ଚଳାଇଥିଲା। ଅବଦୁଲ୍ଲାଙ୍କ ସହିତ ଥିବା ଏନ୍ସି ବିଧାୟକ ଐଜାଜ୍ ଜାନ୍ କହିଛନ୍ତି ଯେ ବିବାହରେ ଯୋଗ ଦେବା ପରେ ସେମାନେ ସ୍ଥାନ ଛାଡିବା ସମୟରେ ଜଣେ ବ୍ୟକ୍ତି ପଛରୁ ଦୌଡ଼ି ଏକ ପିସ୍ତଲ ବାହାର କରି ଅବଦୁଲ୍ଲାଙ୍କ ବେକରେ ରଖି ଗୁଳି ଚଳାଇଥିଲେ। ଅବଦୁଲ୍ଲାଙ୍କ ସୁରକ୍ଷା କର୍ମୀଙ୍କ ସମୟୋଚିତ ହସ୍ତକ୍ଷେପ ଦ୍ୱାରା ଏହା ପ୍ରତିହତ ହୋଇଥିଲା। ଆକ୍ରମଣକାରୀଙ୍କୁ ଅବଦୁଲ୍ଲାଙ୍କ ସୁରକ୍ଷା କର୍ମୀ ଏବଂ ଘଟଣାସ୍ଥଳରେ ଉପସ୍ଥିତ ଥିବା ଅନ୍ୟମାନେ କାବୁ କରି ତାଙ୍କ ପିସ୍ତଲ ଛଡ଼ାଇ ନେଇଥିଲେ। ପରେ ପୋଲିସ ତାଙ୍କୁ ହେପାଜତକୁ ନେଇଥିଲା।
ଅଭିଯୁକ୍ତ କମଲ ସିଂହ ପୋଲିସକୁ କହିଛି ଯେ, ସେ ୨୦ ବର୍ଷ ଧରି ଫାରୁକ ଅବଦୁଲ୍ଲାଙ୍କୁ ହତ୍ୟା କରିବାକୁ ଚାହୁଁଥିଲା। ଆଜି ସେ ସୁଯୋଗ ମିଳିଲା, କିନ୍ତୁ ହତ୍ୟା କରିପାରିଲା ନାହିଁ। ସେ ବଞ୍ଚିଗଲେ। ପଚରାଉଚରାର ଏକ ଭିଡିଓ ଭାଇରାଲ ହୋଇଛି। ତାଙ୍କୁ କାହିଁକି ହତ୍ୟା କରିବାକୁ ଚାହୁଁଥିଲେ ପଚରାଯିବାରୁ ସେ କହିଲା, ମୋର ନିଜସ୍ୱ ଉଦ୍ଦେଶ୍ୟ ଥିଲା। ଆକ୍ରମଣରେ ବ୍ୟବହୃତ ପିସ୍ତଲ ବିଷୟରେ କମଲ ସିଂହ କହିଛି ଯେ ଏହା ତା’ର ବ୍ୟକ୍ତିଗତ ପିସ୍ତଲ ଥିଲା। ମୋର ସମ୍ପର୍କୀୟ ଶତ୍ରୁ ଜୀ ସିଂହଙ୍କ ପୁଅ ବିବାହ କରୁଥିଲା। ମୋତେ ମଧ୍ୟ ନିମନ୍ତ୍ରଣ କରାଯାଇଥିଲା ବୋଲି ସେ କହିଛି।
About the Author
