ଅଲୱାର: ସୋମବାର ବିଳମ୍ବିତ ରାତିରେ ଭିୱାଡ଼ି-ହରିୟାଣା ସୀମା ନିକଟ ଏକ ନିର୍ମାଣ ସ୍ଥାନରେ ଖନନ କାର୍ଯ୍ୟ ସମୟରେ ମାଟି ତଳେ ପୋତି ହୋଇ ୭ ଜଣ ଶ୍ରମିକଙ୍କ ମୃତ୍ୟୁ ଘଟିଛି। ଧାରୁହେରା ନିକଟରେ ଦିଲ୍ଲୀ-ଜୟପୁର ରାଜପଥ ପାର୍ଶ୍ୱରେ ଅବସ୍ଥିତ କପ୍ରିୟାୱାସରେ ସିଗନେଚର ଗ୍ଲୋବାଲ ବିଲ୍ଡର ସୋସାଇଟିର ଏକ ଗୃହ ପ୍ରକଳ୍ପରେ ଏହି ଦୁର୍ଘଟଣା ଘଟିଛି। ଏଥିରେ ଅନେକ ଗୁରୁତର ଆହତ ହୋଇଛନ୍ତି। ଅଧିକାରୀଙ୍କ ଅନୁଯାୟୀ, ଖନନ କାର୍ଯ୍ୟ ସମୟରେ ମାଟିର ଏକ ବଡ଼ କୁଦ ଖସି ପଡ଼ିବାରୁ ଅନେକ ଶ୍ରମିକ ଫସି ରହିଥିଲେ। ଆହତମାନଙ୍କୁ ଭିୱାଡିର ଜିଲ୍ଲା ହସ୍ପିଟାଲକୁ ପଠାଯାଇଥିଲା। ଯେଉଁଠାରେ ଡାକ୍ତର ୭ଜଣ ଶ୍ରମିକଙ୍କୁ ମୃତ ଘୋଷଣା କରିଥିଲେ। ଗୁରୁତର ଆହତ ଶ୍ରମିକଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା। ଉଦ୍ଧାର କାର୍ଯ୍ୟ ଏବେ ବି ଚାଲିଛି ଏବଂ ଭଗ୍ନାବଶେଷ ତଳୁ ଲୋକଙ୍କୁ ବାହାର କରିବା ପାଇଁ ପ୍ରୟାସ ଜାରି ରହିଥିବାରୁ ମୃତ୍ୟୁ ସଂଖ୍ୟା ବଢ଼ିବାର ସମ୍ଭାବନା ରହିଛି। ଅତିରିକ୍ତ ପୋଲିସ ଅଧୀକ୍ଷକ ଅତୁଲ ସାହୁଙ୍କ ସୂଚନା ଅନୁସାରେ ମୃତକମାନେ ହେଲେ ଭରତପୁର ଜିଲ୍ଲାର ପରମେଶ୍ୱର (୫୨), ସତୀଶ (୩୫), ଭଗୀରଥ (୫୦) ଏବଂ ମଙ୍ଗଳ (୩୨)। ଦୁଇ ମୃତକଙ୍କ ପରିଚୟ ଏ ପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପୋଲିସ ରାଜସ୍ଥାନ ଏବଂ ହରିୟାଣା ଉଭୟ କର୍ତ୍ତୃପକ୍ଷଙ୍କୁ ସୂଚନା ଦେଇଛି ଏବଂ ପୀଡିତଙ୍କ ପରିବାର ସଦସ୍ୟମାନେ ଡାକ୍ତରଖାନାରେ ପହଞ୍ଚିବା ଆରମ୍ଭ କରିଛନ୍ତି।
About the Author
