ଛତ୍ରପୁର: କମ୍ୟୁନିଟି ପୋଲିସିଂ ହେଉଛି ପୁଲିସ ଓ ଜନସାଧାରଣମାନଙ୍କ ମଧ୍ୟରେ ଏକ ସମନ୍ୱୟ ରକ୍ଷା କରିବାର ପ୍ରକ୍ରିୟା । ଯେଉଁଠି ଉଭୟ ମିଶି ଅପରାଧ ରୋକିବା ଏବଂ ସାମାଜିକ ଶାନ୍ତି ବଜାୟ ରଖିବା ପାଇଁ କାମ କରନ୍ତି । ଏହା ଲୋକ ଓ ପୁଲିସ ମଧ୍ୟରେ ଭଲ ସମ୍ପର୍କ ସ୍ଥାପନ କରି ସମସ୍ୟାର ସମାଧାନ କରିବା ଉପରେ ଗୁରୁତ୍ୱ ଦିଏ । ଯାହାକି ସାଧାରଣ ଜନତାଙ୍କ ମଧ୍ୟରୁ ପୁଲିସ ପ୍ରତି ଥିବା ଭୟ ଦୂର କରି ସୁସମ୍ପର୍କ ସ୍ଥାପନ କରିବା । ଏହି ଅବସରରେ ଆର୍ଯ୍ୟପଲ୍ଲୀ ସ୍ଥିତ ମେରାଇନ ପୁଲିସ ପକ୍ଷରୁ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଇଛି । ଥାନା ଅଧିକାରୀ ଦିବ୍ୟାଭାରତୀ ନାୟକଙ୍କ ନେତୃତ୍ୱରେ ଛତ୍ରପୁର ପୁଲିସ ପଡିଆ ଠାରେ ଏକ କ୍ରିକେଟ ମ୍ୟାଚ୍ଚ ଅନୁ ିତ ହୋଇଥିଲା । ଏଥିରେ ୬ଟିମ ଅଂଶ ଗ୍ରହଣ କରିଥିଲେ । ଶେଷରେ ସାନଆର୍ଯ୍ୟପଲ୍ଲୀ ଓ ଚମାଖଣ୍ଡି ମଧ୍ୟରେ ଫାଇନାଲ ମ୍ୟାଚ୍ଚ ଅନୁ ିତ ହୋଇଥିଲା । ଶେଷରେ ସାନ ଆର୍ଯ୍ୟପଲ୍ଲୀ ଟିମ ବିଜୟୀ ହୋଇଥିବା ବେଳେ ଚମାଖଣ୍ଡି ଟିମ ରନର ଦଳ ହୋଇଥିଲା । ମୁଖ୍ୟ ଅତିଥିଭାବେ ଗଞ୍ଜାମ ପୁଲିସ ଜିଲାର ଅତିରିକ୍ତ ଏସପି ଚିନ୍ମୟ ନାୟକ ଓ ଛତ୍ରପୁର ଏସଡିପିଓ ଚନ୍ଦନ ଘଡାଇ ଉପସ୍ଥିତ ରହି ଟ୍ରଫି ପ୍ରଦାନ କରିବା ସହ ଏହି କାର୍ଯ୍ୟକ୍ରମର ମୁଖ୍ୟ ଉଦେଶ୍ୟ ସମ୍ପର୍କରେ ବକ୍ତବ୍ୟ ପ୍ରଦାନ କରିଥିଲେ । ସମସ୍ତ କାର୍ଯ୍ୟକ୍ରମକୁ ମେରାଇନ ଥାନା ଅଧିକାରୀ ଦିବ୍ୟାଭାରତୀ ନାୟକ ଏବଂ କର୍ମଚାରୀ ସମସ୍ତ ସହଯୋଗ କରିଥିଲେ । ପୁଲିସର ଏହିଭଳି କାର୍ଯ୍ୟକ୍ରମକୁ ସମସ୍ତେ ପ୍ରଶଂସା କରିଥିଲେ ।
About the Author
