ନୂଆଦିଲ୍ଲୀ: ପ୍ରଶ୍ନପତ୍ର ଲିକ୍ ଯୋଗୁଁ ମହାରାଷ୍ଟ୍ର ଶିକ୍ଷକ ଯୋଗ୍ୟତା ପରୀକ୍ଷା (ଟିଇଟି) ୨୦୨୬ ସ୍ଥଗିତ ହେବାର ପ୍ରାୟ ଏକ ମାସ ପରେ ପୋଲିସ ଅଭିଯୁକ୍ତ ମାଷ୍ଟରମାଇଣ୍ଡ ବିଜେନ୍ଦ୍ର କୁମାର ବାଲେଶ୍ୱର ଶାହଙ୍କୁ ବିହାରରୁ ଗିରଫ କରିଛି। ମୁଖ୍ୟ ଅଭିଯୁକ୍ତ, ତାଙ୍କ ସହଯୋଗୀ ଇନ୍ଦ୍ରଜିତ ସିଂହ ଓରଫ ପିକୁଙ୍କ ସହିତ, ପାଟନାରେ ଭିୱାଣ୍ଡି ପୋଲିସ ଦ୍ୱାରା ଗିରଫ ହେବା ପରେ ଭିୱାଣ୍ଡିକୁ ଅଣାଯାଇଥିଲା। ଉଭୟ ଅଭିଯୁକ୍ତଙ୍କୁ ଭିୱାଣ୍ଡିର ଡେପୁଟି ପୋଲିସ କମିଶନର ଜୋନ୍-୨ କାର୍ଯ୍ୟାଳୟକୁ ନିଆଯାଇଥିଲା, ଯେଉଁଠାରେ ତଦନ୍ତର ଅଂଶ ସ୍ୱରୂପ ସେମାନଙ୍କୁ ପଚରାଉଚରା କରାଯାଉଛି। ପୋଲିସ ଅନୁଯାୟୀ, ବିଜେନ୍ଦ୍ର କୁମାର ଗିରଫ ହେବା ପୂର୍ବରୁ ପ୍ରାୟ ଏକ ମାସ ଧରି ପଳାୟନ କରିଥିଲେ। ଏହି ସଦ୍ୟତମ ଗିରଫଦାରୀ ସହିତ ଟିଇଟି ପେପର ଲିକ୍ ମାମଲାରେ ଗିରଫ ହୋଇଥିବା ଅଭିଯୁକ୍ତଙ୍କ ସଂଖ୍ୟା ୧୪ରେ ପହଞ୍ଚିଛି। ବିଜେନ୍ଦ୍ର ୨୦୨୩ ଓଡ଼ିଶା ଷ୍ଟାଫ୍ ସିଲେକ୍ସନ୍ କମିଶନ ପରୀକ୍ଷା, ବିହାର ପବ୍ଲିକ୍ ସର୍ଭିସ୍ କମିଶନ ପରୀକ୍ଷା ଏବଂ ମଧ୍ୟପ୍ରଦେଶ ପବ୍ଲିକ୍ ସର୍ଭିସ୍ କମିଶନ ପରୀକ୍ଷା ସହ ଜଡିତ ଥିବା ଅଭିଯୋଗ ହୋଇଛି। ମହାରାଷ୍ଟ୍ରର ଥାନେ ଜିଲ୍ଲାର ପୋଲିସ ପ୍ରଶ୍ନପତ୍ରର ଏକ ଅଂଶ ଲିକ୍ ହୋଇଥିବା ଜାଣିପାରି ତିନି ଜଣଙ୍କୁ ଗିରଫ କରିବା ପରେ, ଟିଇଟି ୨୦୨୬ ପରୀକ୍ଷା ଅନୁଷ୍ଠିତ ହେବାର ଗୋଟିଏ ଦିନ ପୂର୍ବରୁ ଜୁନ୍ ୨୭ ତାରିଖରେ ସ୍ଥଗିତ ରଖାଯାଇଥିଲା। ତଦନ୍ତକାରୀମାନେ ଜାଣିବାକୁ ପାଇଛନ୍ତି ଯେ ଏହି କଥିତ ରାକେଟ ଦିଲ୍ଲୀ, ଆଗ୍ରା, ବିହାର ଏବଂ ହରିୟାଣାରେ ବ୍ୟାପିଥିଲା। ପୂର୍ବରୁ, କଲ୍ ରେକର୍ଡ ଏବଂ ଆର୍ôଥକ କାରବାର ଅଭିଯୁକ୍ତ ମାଷ୍ଟରମାଇଣ୍ଡ ବିଜେନ୍ଦ୍ରଙ୍କ ପତ୍ନୀ ସୁମନ କୁମାରୀ ଗୁପ୍ତାଙ୍କ ସହିତ ଲିଙ୍କ୍ ହୋଇଥିବା ରିପୋର୍ଟ ପରେ ଝଓଞ ତାଙ୍କୁ ପାଟନାରୁ ଗିରଫ କରିଥିଲା। ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ ଗୁପ୍ତ ପ୍ରଶ୍ନପତ୍ରଗୁଡ଼ିକ ଉତ୍ତର ପ୍ରଦେଶର ଆଗ୍ରାରେ ଅବସ୍ଥିତ ଏକ ଘରୋଇ ପ୍ରିଣ୍ଟିଂ ପ୍ରେସ୍, ମାହିମ ପାତ୍ରାନ ପ୍ରାଇଭେଟ୍ ଲିମିଟେଡ୍ରୁ ସିଧାସଳଖ ଉତ୍ସ କରାଯାଇଥିଲା। ନିଟ୍-ୟୁଜି ପେପର୍ ଲିକ୍ ଦ୍ୱାରା ସୃଷ୍ଟି ହୋଇଥିବା ଜାତୀୟ ବିବାଦ ପରେ ଟିଇଟି ପେପର୍ ଲିକ୍ ଘଟିଲା, ଯାହା ପ୍ରତିଯୋଗିତାମୂଳକ ପରୀକ୍ଷାର ସଚ୍ଚୋଟତା ଉପରେ ନୂତନ ଚିନ୍ତା ସୃଷ୍ଟି କଲା।
About the Author
