ବାଲିଗୁଡ଼ା: କନ୍ଧମାଳ ଜିଲ୍ଲା ବେଲଘର ଥାନା ଅଂଚଳ ରେ ଚାଞ୍ଚଲ୍ୟ । ୧୪ ବର୍ଷୀୟ ନାବାଳିକାଙ୍କ ସହ ବର୍ବରତାର ସବୁ ସୀମା ଟପିଲେ ଦୁଇ ଜଣ ଯୌନପିଶାଚ। ନାବାଳିକାଙ୍କୁ ନାଳ ନିକଟରୁ ଅପହରଣ ପରେ ପ୍ରଥମେ ଶାରୀରିକ ସମ୍ପର୍କ ରଖିବାକୁ ବାଧ୍ୟ କରିଥିଲେ ଦୁଇ ଜଣ ଯୁବକ। ଏଥିରେ ନାବାଳିକା ପ୍ରତିବାଦ କରିବା ପରେ ନାବାଳିକାଙ୍କ ପୋଷାକ ଚିରି ଦେଇ ଭିଡ଼ିଓ ଉତ୍ତୋଳନ କରି ଭାଇରଲ କରିବାକୁ ଧମକ। ପୁଣି ପ୍ରବଳ ମାଡ଼ ମାରି ପାଟିରେ କପଡା ପୁରାଇବା ସହ ହାତ ଗୋଡ଼ ବାନ୍ଧି ଘଞ୍ଚ ଜଙ୍ଗଲ ମଧ୍ୟରେ ଛାଡି ଚାଲିଗଲେ ଦୁଇ ଯୁବକ। ଶେଷରେ ଘଞ୍ଚ ଜଙ୍ଗଲ ମଧ୍ୟରେ ହାତଗୋଡ଼ ବନ୍ଧା ଅବସ୍ଥାରେ ରାତି କାଟି ବହୁ କଷ୍ଟରେ ଘରକୁ ଫେରି ସମସ୍ତ ଘଟଣା ସମ୍ପର୍କରେ ପରିବାର ଲୋକଙ୍କୁ ଜଣେଇଛନ୍ତି ନାବାଳିକା। ସୂଚନା ଅନୁଯାୟୀ ବେଲଘର ଅଂଚଳର ଚଉଦ ବର୍ଷୀୟ ନାବାଳିକା ଜଣକ ନିକଟରେ ଥିବା ନାଳକୁ ଏକୁଟିଆ ଗାଧେଇବା ପାଇଁ ଯାଇଥିଲେ। ସେହି ଗାଁର ଦୁଇ ଯୁବକ ବଳ ପୂର୍ବକ ନାବାଳିକାଙ୍କୁ ଉଠାଇନେଇ ଜଙ୍ଗଲକୁ ନେଇଥିଲେ। ତେବେ ପରିବାର ଲୋକ ବେଲଘର ଥାନାରେ ଲିଖିତ ଅଭିଯୋଗ ପରେ ବେଲଘର ପୋଲିସ କେସ ନମ୍ବର ୧୦ରେ ମାମଲା ରୁଜୁ କରିଛି। ଘଟଣାରେ ଜଣେ ଯୁବକକୁ ଅଟକ ରଖିଥିବା ବେଳେ ଅନ୍ୟ ଜଣେ ଯୁବକ ଫେରାର ରହିଛି। ଏ ନେଇ ଅଧିକ ତଦନ୍ତ ଜାରି ରହିଥିବା ତଦନ୍ତକାରୀ ଅଧିକାରୀ ସୂଚନା ଦେଇଛନ୍ତି।
ଅପହରଣ ପରେ ନାବାଳିକାଙ୍କୁ ହାତଗୋଡ଼ ବାନ୍ଧି ଜଙ୍ଗଲରେ ଛାଡ଼ି ଚାଲିଗଲେ ଦୁଇ ଯୁବକ; ଜଣେ ଅଟକ, ଅନ୍ୟ ଜଣେ ଫେରାର
Leave a Reply