ବାରିପଦା /କରଞ୍ଜିଆ: କରଞ୍ଜିଆ ସହରର କରଡିଆ ଷ୍ଟୁଡେଣ୍ଟସ୍ କ୍ଲବ ଆନୁକୂଲ୍ୟ ରେ ଆୟୋଜିତ ଏକଦିନିଆ ମା’ କୀଚକେଶ୍ୱରୀ କ୍ରିକେଟ୍ ନାଇଟ୍ ଟୁର୍ଣ୍ଣାମେଣ୍ଟ ଉତ୍ସାହ ଓ ଉଦ୍ଦୀପନାର ସହ ଉଦଯାପିତ ହୋଇଯାଇଛି। ଏହି ଟୁର୍ଣ୍ଣାମେଣ୍ଟରେ ମୟୂରଭଞ୍ଜ ଓ କେନ୍ଦୁଝର ଜିଲ୍ଲାର ବିଭିନ୍ନ ଗ୍ରାମାଞ୍ଚଳରୁ ମୋଟ ୧୬ଟି ଦଳ ଅଂଶଗ୍ରହଣ କରିଥିଲେ। ଫାଇନାଲ୍ ମୁକାବିଲା ପଟାକାଠ ଛକ ଓ ଭେଲୋସିଟି କିଙ୍ଗ୍ କରଡିଆ ମଧ୍ୟରେ ଅନୁଷ୍ଠିତ ହୋଇଥିଲା। ଟସ୍ ଜିତି ପଟାକାଠ ଛକ ଦଳ ପ୍ରଥମେ ବ୍ୟାଟିଂ କରି ୨ ୱିକେଟ୍ ହରାଇ ୮୮ ରନ୍ ସଂଗ୍ରହ କରିଥିଲା। ଜବାବରେ ଭେଲୋସିଟି କିଙ୍ଗ୍ କରଡିଆ ଦଳ ୫୫ ରନ୍ରେ ଅଲଆଉଟ୍ ହୋଇଯାଇଥିଲା। ଫଳରେ ପଟାକାଠ ଛକ ୩୩ ରନ୍ର ବିଜୟ ସହ ଚାମ୍ପିଅନ୍ ଟ୍ରଫି ହାସଲ କରିଥିଲା। ବିଜେତା ପଟାକାଠ ଛକ ଦଳକୁ ୯ ହଜାର ଟଙ୍କା ନଗଦ ପୁରସ୍କାର ସହ ଟ୍ରଫି ପ୍ରଦାନ କରାଯାଇଥିବା ବେଳେ ରନର୍ସଅପ୍ ଭେଲୋସିଟି କିଙ୍ଗ୍ କରଡିଆ ଦଳକୁ ୭ ହଜାର ଟଙ୍କା ନଗଦ ପୁରସ୍କାର ସହ ଟ୍ରଫି ପ୍ରଦାନ କରାଯାଇଥିଲା। ଫାଇନାଲ୍ ମ୍ୟାଚ୍ରେ ଜଗାଙ୍କୁ ‘ମ୍ୟାନ୍ ଅଫ୍ ଦି ମ୍ୟାଚ୍’ ପୁରସ୍କାରରେ ସମ୍ମାନିତ କରାଯାଇଥିଲା।
ଖେଳଗୁଡ଼ିକୁ ନନ୍ଦ ଗିରି ଓ ଲିଟୁନ ଅମ୍ପାୟାର ଭାବେ ସଫଳତାର ସହ ପରିଚାଳନା କରିଥିଲେ। କ୍ଲବର ସଭାପତି ଉମାକାନ୍ତ ଗିରି, ସମ୍ପାଦକ ଶିବ ଦାସ, ସଦସ୍ୟ ଚିକୁନ ଗିରି, ବାପୁନ ବାରିକଙ୍କ ସମେତ ସମସ୍ତ ସଦସ୍ୟ ଟୁର୍ଣ୍ଣାମେଣ୍ଟର ସୁପରିଚାଳନାରେ ସକ୍ରିୟ ଭୂମିକା ଗ୍ରହଣ କରିଥିଲେ।
About the Author
