ନୂଆଦିଲ୍ଲୀ: ଫ୍ରାନ୍ସରେ ଏ୭ ଶିଖର ସମ୍ମିଳନୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦ୍ୱିପାକ୍ଷିକ ଆଲୋଚନା କରିବେ, ହ୍ୱାଇଟ୍ ହାଉସ୍ ଶନିବାର ନିଶ୍ଚିତ କରିଛି। ଫେବୃଆରୀ ୨୦୨୫ ପରେ ଏହି ବୈଠକ ଦୁଇ ନେତାଙ୍କ ମଧ୍ୟରେ ପ୍ରଥମ ପ୍ରତ୍ୟକ୍ଷ ଆଲୋଚନା ହେବ, ଯେତେବେଳେ ପ୍ରଧାନମନ୍ତ୍ରୀ ମୋଦି ନଭେମ୍ବର ୨୦୨୪ ଆମେରିକା ରାଷ୍ଟ୍ରପତି ନିର୍ବାଚନରେ ବିଜୟୀ ହେବା ପରେ ରାଷ୍ଟ୍ରପତି ଟ୍ରମ୍ପଙ୍କୁ ଭେଟିଥିଲେ। ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମାକ୍ରନଙ୍କ ନିମନ୍ତ୍ରଣରେ ପ୍ରଧାନମନ୍ତ୍ରୀ ମୋଦି ଜୁନ ୧୬-୧୭ ରେ ଜି୭ ଶିଖର ସମ୍ମିଳନୀରେ ଯୋଗଦେବେ। ଶିଖର ସମ୍ମିଳନୀ ସମୟରେ, ସେ ବିଶ୍ୱ ସହଭାଗୀତା, ସ୍ଥାୟୀ ଆର୍ôଥକ ଅଭିବୃଦ୍ଧି ଏବଂ କୃତ୍ରିମ ବୁଦ୍ଧିମତ୍ତାର ସୁରକ୍ଷିତ ନିୟୋଜନ ସମେତ ବିଭିନ୍ନ ପ୍ରସଙ୍ଗରେ ଜି ୭ ନେତା, ଅଂଶୀଦାର ଦେଶ ଏବଂ ଅନ୍ତର୍ଜାତୀୟ ସଂଗଠନ ସହିତ ଆଲୋଚନା କରିବେ ବୋଲି ଆଶା କରାଯାଉଛି। ପ୍ରାୟ ଚାରି ମାସ ମଧ୍ୟରେ ମୋଦି ଏବଂ ଟ୍ରମ୍ପଙ୍କ ମଧ୍ୟରେ ଦ୍ୱିପାକ୍ଷିକ ବୈଠକ ସେମାନଙ୍କର ପ୍ରଥମ ବ୍ୟକ୍ତିଗତ ଆଲୋଚନା ହେବ। ହ୍ୱାଇଟ୍ ହାଉସର ଏହି ନିଶ୍ଚିତକରଣ ଏପରି ଏକ ସମୟରେ ଆସିଛି ଯେତେବେଳେ ଭାରତ-ଆମେରିକା ସମ୍ପର୍କ ଗତ ଥର ନେତାମାନଙ୍କ ସାକ୍ଷାତ ପରଠାରୁ ବିଭିନ୍ନ ମୋର୍ଚ୍ଚାରେ ତିକ୍ତତାର ସମ୍ମୁଖୀନ ହୋଇଛି। ଫେବୃଆରୀରେ ସେମାନଙ୍କ ବୈଠକ ପରଠାରୁ, ନୂଆଦିଲ୍ଲୀ ଏବଂ ୱାଶିଂଟନ ମଧ୍ୟରେ ସମ୍ପର୍କ ଅନେକ ପ୍ରସଙ୍ଗକୁ ନେଇ ଚାପଗ୍ରସ୍ତ ହୋଇଛି, ଯେଉଁଥିରେ ଆମେରିକା ଭାରତୀୟ ରପ୍ତାନି ଉପରେ ଅଧିକ ଶୁଳ୍କ ଲାଗୁ କରିଛି। ରାଷ୍ଟ୍ରପତି ଟ୍ରମ୍ପଙ୍କ ବାରମ୍ବାର ଦାବି ଯେ ସେ ମେ ୨୦୨୫ ରେ ଭାରତ-ପାକିସ୍ତାନ ବିବାଦର ସମାଧାନ କରିବାରେ ସାହାଯ୍ୟ କରିଥିଲେ, ତାହା ଦ୍ୱାରା ମଧ୍ୟ ସମ୍ପର୍କ ପ୍ରଭାବିତ ହୋଇଛି, ଏକ ଦାବି ଯାହାକୁ ନୂଆଦିଲ୍ଲୀ ନିରନ୍ତର ପ୍ରତ୍ୟାଖ୍ୟାନ କରିଛି। ରୁଷ ସହିତ ଭାରତର ତୈଳ ବାଣିଜ୍ୟ ମଧ୍ୟ ଦୁଇ ଦେଶ ମଧ୍ୟରେ ଘର୍ଷାର ବିନ୍ଦୁ ଭାବରେ ଉଭା ହୋଇଛି। ଇରାନ ଯୁଦ୍ଧ ସହିତ ଜଡିତ ବଢ଼ୁଥିବା ଉତ୍ତେଜନାର ପୃଷ୍ଠଭୂମିରେ ମଧ୍ୟ ଆଲୋଚନା ହେବ, ଯାହା ଭାରତ ପାଇଁ ଗୁରୁତ୍ୱପୂର୍ଣ୍ଣ ଆର୍ôଥକ ପ୍ରଭାବ ପକାଇଛି।
About the Author
