କୋଲକାତା: ପଶ୍ଚିମବଙ୍ଗ ବିଧାନସଭା ପାଇଁ ୨୯ ଏପ୍ରିଲରେ ଦ୍ୱିତୀୟ ପର୍ଯ୍ୟାୟରେ ଭୋଟ ହେରଫେରର ଅନେକ ଅଭିଯୋଗ ପାଇବା ପରେ ଭାରତୀୟ ନିର୍ବାଚନ କମିଶନ(ଇସିଆଇ) ଶୁକ୍ରବାର ପଶ୍ଚିମବଙ୍ଗର ଦୁଇଟି ନିର୍ବାଚନମଣ୍ଡଳୀର ୧୫ଟି ମତଦାନ କେନ୍ଦ୍ରରେ ପୁନଃ ମତଦାନ କରିବାକୁ ନିର୍ଦ୍ଦେଶ ଦେଇଛନ୍ତି। ଜନପ୍ରତିନିଧିତ୍ୱ ଆଇନ- ୧୯୫୧ ଅନୁଯାୟୀ ମାଗ୍ରାହାଟ ପଶ୍ଚିମ ଏବଂ ଡାଇମଣ୍ଡ ହାର୍ବର ନିର୍ବାଚନମଣ୍ଡଳୀର ଏହି ୧୫ଟି ବୁଥ୍ରେ ଏପ୍ରିଲ ୨୯ରେ ଅନୁଷ୍ଠିତ ମୂଳ ମତଦାନକୁ କମିଶନ ଅସିଦ୍ଧ ଘୋଷଣା କରିଛନ୍ତି ଏବଂ କହିଛନ୍ତି ଯେ ଶନିବାର ମେ ୨ ତାରିଖରେ ନୂତନ ମତଦାନ କରାଯିବ। ସମସ୍ତ ସାମଗ୍ରୀକ ପରିସ୍ଥିତି ସମୀକ୍ଷା କରିବା ପରେ ରିଟର୍ଣ୍ଣିଂ ଅଧିକାରୀ ଏବଂ ନିର୍ବାଚନ ପର୍ଯ୍ୟବେକ୍ଷକଙ୍କ ରିପୋର୍ଟ ଉପରେ ଏହି ନିଷ୍ପତ୍ତି ନିଆଯାଇଛି। ନିର୍ବାଚନ ସଂସ୍ଥା ଏକ ବିବୃତ୍ତିରେ କହିଛି। କମିଶନ ମତଦାନ କ୍ଷେତ୍ରରେ ସର୍ବାଧିକ ସମ୍ଭାବ୍ୟ ପ୍ରଚାର ପାଇଁ ନିର୍ଦ୍ଦେଶ ମଧ୍ୟ ଜାରି କରିଛନ୍ତି ଏବଂ ପ୍ରତିଦ୍ୱନ୍ଦ୍ୱିତା କରୁଥିବା ପ୍ରାର୍ଥୀମାନଙ୍କୁ ଶନିବାର ନୂତନ ମତଦାନ ବିଷୟରେ ଲିଖିତ ଭାବରେ ଜଣାଇବା ଉଚିତ।
About the Author
