ବାଲୁଗାଁ: ସୋମବାର ପୂର୍ବାହ୍ନରେ ଚିଲିକାରୁ ଜଣେ ଯୁବକଙ୍କ ମୃତ ଦେହ ଉଦ୍ଧାର କରିଛି ନାଭାଲ ଫାଣ୍ଡି ପୋଲିସ।ମୃତକ ଜଣକ ବାଲୁଗାଁ ଥାନା ଅଠରବାଟିଆ ପଞ୍ଚାୟତ ଅନ୍ତର୍ଗତ ଚନ୍ଦ୍ରାପୁଟ ଗ୍ରାମର ଏକାଦଶୀ କେଇଙ୍କ ପୁଅ ରାମଚନ୍ଦ୍ର କେଇ (୫୫)।ସୂଚନା ମୁତାବକ ଚନ୍ଦ୍ରାପୁଟ ଗ୍ରାମର ରାମଚନ୍ଦ୍ର ସବୁଦିନ ପରି ଆଜି ସକାଳୁ ଚିଲିକାକୁ ମାଛ ଧରିବା ପାଇଁ ଯାଇଥିବା ବେଳେ ଅସାବଧାନତା ବଶତଃ ଗୋଡ ଖସି ଯିବାରୁ ଡଙ୍ଗାରେ ପଡିଯାଇଥିଲା।ଯାହାଫଳରେ ମୁଣ୍ଡରେ ଗଭୀର ଆଘାତ ଲାଗିବାରୁ ସେହି ସ୍ଥାନରେ ସେ ଅଚେତ ଅବସ୍ଥାରେ ଥିଲେ।ଅନ୍ୟ ସହଯୋଗୀ ମତ୍ସ୍ୟଜୀବୀଙ୍କ ସହଯୋଗରେ ତାଙ୍କୁ ବାଲୁଗାଁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ।ମାତ୍ର ଡାକ୍ତର ସେଠାରେ ତାଙ୍କୁ ମୃତ୍ୟ ଘୋଷଣା କରିଥିଲେ।ଖବର ପାଇ ବାଲୁଗାଁ ପୋଲିସ ମେଡିକାଲରେ ପହଞ୍ଚି କେଶ ନଂ ୬/୨୬ ରେ ମାମଲା ରୁଜୁ କରି ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଦେଇଥିବା ବେଳେ ତଦନ୍ତ ଜାରି ରଖିଛି।
About the Author
