କାବୁଲ: ସୋମବାର ରାତିରେ ଆଫଗାନିସ୍ତାନର କାବୁଲ ସହର ଏବଂ ଆଖପାଖ ଅଞ୍ଚଳରେ ଏକାଧିକ ବିସ୍ଫୋରଣ ଶୁଣାଯିବା ପରେ ଏକ ନିଶା ନିବାରଣ କେନ୍ଦ୍ରକୁ ପାକିସ୍ତାନ ବିମାନ ଆକ୍ରମଣ କରିଥିବା ତାଲିବାନ ସରକାର ମୁଖପାତ୍ର ଜାବିହୁଲ୍ଲା ମୁଜାହିଦ ଅଭିଯୋଗ ହୋଇଛି। ଯାହା ଫଳରେ ବହୁ ସଂଖ୍ୟକ ଚିକିତ୍ସାଧୀନ ରୋଗୀଙ୍କ ମୃତ୍ୟୁ ଘଟିଛି। ପାକିସ୍ତାନୀ ସେନା ଉପରେ ଆଫଗାନିସ୍ତାନ ବାୟୁମଣ୍ଡଳ ଉଲ୍ଲଂଘନ କରି କାବୁଲରେ ଏହି ଆକ୍ରମଣ କରିଛି। ମୁଜାହିଦ କହିଛନ୍ତି, ‘ଆମେ ଏହି ଅପରାଧକୁ କଡ଼ା ଶବ୍ଦରେ ନିନ୍ଦା କରୁଛୁ ଏବଂ ଏପରି କାର୍ଯ୍ୟକୁ ସମସ୍ତ ବିଶ୍ୱବ୍ୟାପୀ ସ୍ୱୀକୃତିପ୍ରାପ୍ତ ମାନବିକ ନୀତିର ଉଲ୍ଲଂଘନ ବୋଲି ବିବେଚନା କରୁଛୁ।’ ତାଲିବାନ ସରକାରଙ୍କ ଉପ ମୁଖପାତ୍ର ହମଦୁଲ୍ଲା ଫିତ୍ରତ କହିଛନ୍ତି ଯେ ପାକିସ୍ତାନ ଆକ୍ରମଣରେ ମୃତ୍ୟୁ ସଂଖ୍ୟା ୪୦୦ରେ ପହଞ୍ଚିଥିବା ବେଳେ ଆହତଙ୍କ ସଂଖ୍ୟା ୨୫୦ରେ ପହଞ୍ଚିଛି। ସ୍ଥାନୀୟ ଟେଲିଭିଜନ ଷ୍ଟେସନଗୁଡ଼ିକରେ ଫୁଟେଜ୍ ପୋଷ୍ଟ କରିଛନ୍ତି, ଯେଉଁଥିରେ ସୁରକ୍ଷା ବାହିନୀ ଫ୍ଲାସ୍ଲାଇଟ୍ ବ୍ୟବହାର କରିଥିବା ଦେଖାଯାଉଛି। ଅଗ୍ନିଶମ କର୍ମଚାରୀମାନେ ଧ୍ୱଂସାବଶେଷ ମଧ୍ୟରେ ନିଆଁ ଲିଭାଇବାକୁ ସଂଘର୍ଷ କରୁଛନ୍ତି। ଅନ୍ୟପକ୍ଷରେ ପାକିସ୍ତାନ ନିଶା ପୁନର୍ବାସ କେନ୍ଦ୍ର ଆକ୍ରମଣ ଅଭିଯୋଗକୁ ଖଣ୍ଡନ କରି କହିଛି ଯେ ଏହା କାବୁଲ ଏବଂ ପୂର୍ବ ପ୍ରଦେଶ ନାଙ୍ଗାହାରରେ ସୈନ୍ୟ ପ୍ରତିଷ୍ଠାନ ଏବଂ ଆତଙ୍କବାଦୀ ସମର୍ଥନ ଭିତ୍ତିଭୂମିକୁ ସଠିକ୍ ଭାବରେ ଟାର୍ଗେଟ କରିଥିଲା। ନିଶାଗ୍ରସ୍ତଙ୍କ ଚିକିତ୍ସା ପାଇଁ ବ୍ୟବହୃତ ହସ୍ପିଟାଲ ଉପରେ ଆକ୍ରମଣକୁ ଆଫଗାନିସ୍ତାନ କ୍ରିକେଟରମାନେ ପ୍ରବଳ ନିନ୍ଦା କରିଛନ୍ତି। ପେସର ନବୀନ-ଉଲ୍-ହକ୍ ପାକିସ୍ତାନକୁ ଇସ୍ରାଏଲ ସହ ତୁଳନା ମଧ୍ୟ କରିଛନ୍ତି।
About the Author
