ଥିରୁବନ୍ତପୁରମ୍: କେରଳର କୋଲାମଠାରେ ଥିବା ସାଇ କ୍ରୀଡ଼ା ଛାତ୍ରାବାସରେ ଦୁଇ କିଶୋରୀ ଖେଳାଳିଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର କରାଯାଇଛି। ଦୁଇ ଖେଳାଳି ଆତ୍ମହତ୍ୟା କରିଥିବା ସନ୍ଦେହ କରାଯାଉଛି। ଜଣଙ୍କ ଘର କୋଜିକୋଡ଼ ଓ ଅନ୍ୟଜଣଙ୍କ ଘର ଥିରୁବନ୍ତପୁରମ ବୋଲି ଜଣାପଡ଼ିଛି। ଉଭୟଙ୍କ ବୟସ ଯଥାକ୍ରମେ ୧୭ ଓ ୧୫ ବୋଲି ପୋଲିସ ପ୍ରକାଶ କରିଛ। ମୃତଦ୍ୱୟଙ୍କ ମଧ୍ୟରେ ଜଣେ ଦ୍ୱାଦଶ ଶ୍ରେଣୀରେ ପଢୁଥିବା ବେଳେ ଆଥଲେଟିକ୍ ଟ୍ରେନିଂ ଭାବେ ରହୁଥିଲେ ଏବଂ ଅନ୍ୟଜଣେ ୧୦ ଶ୍ରେଣୀଛାତ୍ରୀ କବାଡ଼ି ଖେଳାଳି ଥିଲେ। ସେମାନେ ପ୍ରାତଃ ପ୍ରଶିକ୍ଷଣକୁ ନ ଆସିବାରୁ ଏହାର କାରଣ ଜାଣିବା ପାଇଁ ସେମାନଙ୍କ ରୁମକୁ ଯିବା ପରେ କବାଟ ଭିତରପଟୁ ବନ୍ଦ ରହିଥିଲା। କବାଟ ଭଙ୍ଗାଯିବା ପରେ ସେମାନଙ୍କ ଝୁଲନ୍ତା ମୃତଦେହ ଦେଖିବାକୁ ମିଳିଥିଲା। ମୃତ୍ୟୁର କାରଣ ଜଣାପଡ଼ି ନଥିବା ବେଳ କୌଣସି ସୁଇସାଇଡ୍ ନୋଟ୍ ଜବତ ହୋଇନାହିଁ। ପୋଲିସ କ୍ରୀଡ଼ା ଛାତ୍ରାବାସର ଖେଳାଳି, ପ୍ରଶିକ୍ଷକ ଓ ସାଥୀଙ୍କ ବୟାନ ରେକର୍ଡ କରି ତଦନ୍ତ ଚଳାଇଛି।
କେରଳର ସାଇ କ୍ରୀଡ଼ା ଛାତ୍ରାବାସରେ ଦୁଇ କିଶୋରୀଙ୍କ ଝୁଲନ୍ତା ମୃତଦେହ ଉଦ୍ଧାର
Leave a Reply