ଭୁବନେଶ୍ୱର: ଓଡ଼ିଶା ଲୋକସେବା ଆୟୋଗ (ଓପିଏସସି) ଗୃହ ବିଭାଗ ଅଧୀନରେ ଥିବା ଓଡ଼ିଶା ସଚିବାଳୟ ସେବା କ୍ୟାଡରରେ ୩୪୦ ଜଣ ସହକାରୀ ବିଭାଗ ଅଧିକାରୀ (ଏଏସଓ) ନିଯୁକ୍ତି ପାଇଁ ବିଜ୍ଞପ୍ତି ଜାରି କରିଛନ୍ତି।ପ୍ରାର୍ଥୀମାନେ ନଭେମ୍ବର ୯ ତାରିଖରୁ ନଭେମ୍ବର ୩୦ ତାରିଖ ମଧ୍ୟରେ ଅନଲାଇନ୍ ଆବେଦନ କରିପାରିବେ। ଙଚଝଉ ଅନୁଯାୟୀ, ପଞ୍ଜୀକରଣ ଏବଂ ଅନଲାଇନ୍ ଆବେଦନ ଦାଖଲ କରିବା ପାଇଁ ଲିଙ୍କ୍ ନଭେମ୍ବର ୯ ତାରିଖରୁ ଉପଲବ୍ଧ ହେବ। ଓପିଏସସି ର ସୂଚନା ଅନୁଯାୟୀ, ପ୍ରାର୍ଥୀମାନଙ୍କ ପାଇଁ ଅନଲାଇନ୍ ଆବେଦନ ଦାଖଲ କରିବାର ଶେଷ ତାରିଖ ହେଉଛି ନଭେମ୍ବର ୩୦। ମୋଟ ପଦବୀ ମଧ୍ୟରୁ ୧୧୪ଟି (ପାଖାପାଖି ୩୩ ପ୍ରତିଶତ) ମହିଳା ପ୍ରାର୍ଥୀମାନଙ୍କ ପାଇଁ ସଂରକ୍ଷିତ ରହିଛି। ମୋଟ ପଦବୀ ମଧ୍ୟରୁ ୧୪୪ଟି ପଦବୀ ସାଧାରଣ ବର୍ଗ ପାଇଁ ଉଦ୍ଦିଷ୍ଟ ଥିବାବେଳେ, ଏସଇବିସି ବର୍ଗ ପାଇଁ ୩୮ଟି, ଏସସି ବର୍ଗ ପାଇଁ ୮୧ଟି ଏବଂ ଏସ୍ଟି ବର୍ଗ ପାଇଁ ୭୭ଟି ପଦବୀ ସଂରକ୍ଷିତ ରହିଛି। ଏହା ବ୍ୟତୀତ, ଦିବ୍ୟାଙ୍ଗ ବ୍ୟକ୍ତିଙ୍କ ପାଇଁ ୨୫ଟି, ପୂର୍ବତନ ସେନା କର୍ମଚାରୀଙ୍କ ପାଇଁ ୧୯ଟି ଏବଂ କ୍ରୀଡ଼ାବିତ୍ମାନଙ୍କ ପାଇଁ ୩ଟି ପଦବୀ ସଂରକ୍ଷିତ ରହିଛି। ୨୧ରୁ ୪୨ ବର୍ଷ ବୟସ ବର୍ଗ ମଧ୍ୟରେ ଥିବା ଯୋଗ୍ୟ ପ୍ରାର୍ଥୀମାନେ ଏଏସଓ ପଦବୀ ପାଇଁ ଆବେଦନ କରିପାରିବେ। ଓପିଏସସି ଅନୁଯାୟୀ, ପ୍ରାର୍ଥୀଙ୍କ ପାଖରେ ଯେକୌଣସି ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟରୁ ଯେକୌଣସି ବିଷୟରେ ସ୍ନାତକ ଡିଗ୍ରୀ ରହିବା ଆବଶ୍ୟକ। ଏଏସଓ ପଦବୀ ପାଇଁ ପ୍ରାର୍ଥୀ ଚୟନ ଲିଖିତ ପରୀକ୍ଷା ଏବଂ ଦକ୍ଷତା ପରୀକ୍ଷା ଆଧାରରେ କରାଯିବ। ଲିଖିତ ପରୀକ୍ଷା ୨୦୨୭ ମସିହା ଜାନୁଆରୀ ୧୭ ତାରିଖରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ପରୀକ୍ଷାର ବିସ୍ତୃତ ସମୟସାରଣୀ ଏବଂ କେନ୍ଦ୍ର ବିଷୟରେ ପରେ ଜଣାଯିବ। ଏଏସଓ ନିଯୁକ୍ତି ପରୀକ୍ଷା ସମ୍ବନ୍ଧୀୟ ବିସ୍ତୃତ ସୂଚନା ପାଇଁ ପ୍ରାର୍ଥୀମାନଙ୍କୁ ଆମର ଅଫିସିଆଲ୍ ୱେବସାଇଟ୍ (ଙ୍ଗଙ୍ଗଙ୍ଗ.କ୍ଟକ୍ଟ୍ରଗ୍ଦମ.ଶକ୍ଟଙ୍ଖ.ସଦ୍ଭ) ପରିଦର୍ଶନ କରିବାକୁ ପରାମର୍ଶ ଦିଆଯାଇଛି ବୋଲି ଓପିଏସସି ପକ୍ଷରୁ କୁହାଯାଇଛି।
About the Author
