ପୁରୀ: ବଡଦାଣ୍ଡ ସ୍ଥିତ ଅନ୍ନପୂର୍ଣ୍ଣା ଥିଏଟର ଠାରେ ଚଳିତମାସ ୨୫ ତାରିଖ ଠାରୁ ୨୮ ତାରିଖ ପର୍ଯ୍ୟନ୍ତ ୪ ଦିନ ବ୍ୟାପୀ ୧୬ତମ ଜାତୀୟ ନାଟ୍ୟ ମହୋତ୍ସବ ଅନୁଷ୍ଠିତ ହେବ ବୋଲି ଆୟୋଜକ ଓ କର୍ମକର୍ତ୍ତାମାନେ ମଙ୍ଗଳବାର ଦିନ ନାୟକ ବିଚ ରିସର୍ଟ ଠାରେ ସାମ୍ବାଦିକ ସମ୍ମିଳନୀରେ କହିଛନ୍ତି । ନାଟ୍ୟ ଅନୁଷ୍ଠାନ ରଙ୍ଗଶାଳା ତତ୍ତ୍ୱାବଧାନରେ ଏହି ମହୋତ୍ସବ ଆୟୋଜିତ ହେବ । ୨୫ ତାରିଖ ବୁଧବାର ସଂଧ୍ୟ୍ୟାରେ ଡକ୍ଟର ସଞ୍ଜୟ ହାତୀଙ୍କ ରଚିତ ଓ ବିକ୍ରମ କୁମାର ସାହୁଙ୍କ ନିଦ୍ଦେର୍ଶିତ ବ୍ରେନ ଗେନ ଡଟକମ ପୁରୀ ରଙ୍ଗଶାଳା ଦ୍ୱାରା ମଞ୍ଚସ୍ଥ ହେବ । ୨୬ ତାରିଖ ଗୁରୁବାର ସଂଧ୍ୟ୍ୟାରେ ସୁବାସ ଚନ୍ଦ୍ର ପ୍ରଧାନଙ୍କ ରଚିତ ଓ ନିର୍ଦ୍ଦେଶିତ ନାଟକ ଉଲପି ବେଲପାହାଡ ମିରର ଥିଏଟର ଦ୍ୱାରା ମଞ୍ଚସ୍ଥ ହେବ । ୨୭ତାରିଖ ଶୁକ୍ରବାର ସଂଧ୍ୟ୍ୟାରେ ଡ.ବିଜୟ ଶତପଥୀଙ୍କ ରଚିତ ଓ ନଳିନୀ ନିହାର ନାୟକ ନିର୍ଦ୍ଦେଶିତ ନାଟକ କାରାଗାର ର କାହାଣୀ ନିୟୁ ବେଷ୍ଟ ରିପୋଟ୍ରୀ ରାଉରକେଲା ଦ୍ୱାରା ମଞ୍ଚସ୍ଥ ହେବ । ୨୮ ତାରିଖ ଶନିବାର ଶେଷ ସଂଧ୍ୟ୍ୟାରେ ଡ.ହରି ନାରାୟଣ ଦିକ୍ଷୀତଙ୍କ ରଚିତ ଓ ଡ.ସୁବ୍ରତ ଷଡଙ୍ଗୀଙ୍କ ନିର୍ଦ୍ଦେଶିତ ସଂସ୍କୃତ ନାଟକ ମେନକା ବିଶ୍ୱାମିତ୍ରମ୍ ପୁରୀ କେନ୍ଦ୍ରୀୟ ସଂସ୍କୃତ ବିଶ୍ୱବିଦ୍ୟାଳୟ ଦ୍ୱାରା ମଞ୍ଚସ୍ଥ ହେବ । ପରେ ପରେ ହାସ୍ୟ ଅଭିନେତା ପ୍ରଜ୍ଞାନ ରଞ୍ଜନ ଖଟୁଆଙ୍କ ଦ୍ୱାରା ରଚିତ ଓ ନିର୍ଦ୍ଦେଶିତ ନାଟକ ନିଶାପ ଭୁବନେଶ୍ୱର ମ୍ୟାଜିକ ଥିଏଟର ଦ୍ୱାରା ପରିବେଷଣ କରାଯିବ । ଏହି ଅବସରରେ ଓଡିଶାର ଲୋକପ୍ରିୟ ମିହିର କୁମାର ମେହେରା, ସୁଧାଂଶୁ ମୋହନ ଦ୍ୱିବେଦୀ, ପ୍ରସନ୍ନ ମିଶ୍ର, ଦିଲ୍ଲୀଶ୍ୱର ମହାରଣା ଓ ଲାଲା ବିରେନ ପ୍ରସାଦ ରୟଙ୍କୁ ରଙ୍ଗଶାଳା ସମ୍ମାନରେ ସମ୍ମାନିତ କରାଯିବ । ଏହି ସାମ୍ବାଦିକ ସମ୍ମିଳନୀରେ ରଙ୍ଗଶାଳାର ନିର୍ଦ୍ଦେଶକ ବିକ୍ରମ କୁମାର ସାହୁ ,ସମାଜସେବୀ ଗିରିଶି ଚନ୍ଦ୍ର ନାୟକଙ୍କ ସମେତ କର୍ମକର୍ତ୍ତା ଉପସ୍ଥିତ ଥିଲେ
About the Author
